Rangamarthanda Movie Review : ఇది అందరి కథ

Rangamarthanda Movie Review : చిత్రం : రంగమార్తాండ
నటీనటులు : ప్రకాష్ రాజ్, రమ్యకృష్ణ, బ్రహ్మానందం, శివాత్మికా రాజశేఖర్, రాహుల్ సిప్లిగంజ్, ఆదర్శ్ బాలకృష్ణ, అనసూయ తదితరులు
సంగీతం : ఇళయరాజా
మాటలు : ఆకెళ్ళ శ్రీనివాస్
ఛాయాగ్రహణం : రాజ్ కె. నల్లి
నిర్మాత‌లు : కాలిపు మధు, ఎస్. వెంకట్ రెడ్డి
ద‌ర్శ‌క‌త్వం : కృష్ణవంశీ

కథ:

Rangamarthanda Movie Review : నాటకరంగమే తన ప్రపంచంగా బ్రతికిన రాఘవరావు (ప్రకాష్‌రాజ్) ఆయన ముద్దుగా రాజుగారు అని పిలుచుకునే పాత్రలో రమ్యకృష్ణ నటించారు. రంగస్థలంపై ఎన్నో అద్భుతమైన పాత్రలకి జీవం పోసిన రాఘవరావుకి స్నేహితుడు చక్రపాణి (బ్రహ్మానందం). వీరిద్దరూ కలిసి ప్రపంచ దేశాలలో ఎన్నో నాటక ప్రదర్శనలిచ్చి జేజేలు కొట్టించుకుంటారు. నాటకరంగం లోనే కాకుండా జీవితంలోనూ ఒకరి కష్టసుఖాలను మరొకరు పంచుకుంటారు. నాటకరంగంలో రాఘవరావు చేసిన కృషికి రంగమార్తండ బిరుదు దక్కుతుంది. ఆ సమయంలోనే తన రిటైర్మెంట్‌ను ప్రకటిస్తారు రాఘవరావు. అంతేకాదు, అప్పటివరకూ ఆయన సంపాదించదంతా తన వారసులకి ప్రకటిస్తారు. ఆ తర్వాత రాఘవరావు జీవితం ఎటువైపు సాగింది..ఆయన ఎలాంటి కష్టాలను అనుభవించాడు, చక్రపాణి ఎందుకు అసహ్యించుకుంటాడు..జీవితమనే నాటకంలో రాఘవరావు గెలిచాడా లేదా అనేది వెండితెరపై చూసి తెలుసుకోవాల్సిందే.

rangamarthanda-movie-review-
rangamarthanda-movie-review-

అమ్మా నాన్నల కథకి నాటకరంగం అనే ఇతి వృత్తాన్ని జోడించి ప్రేక్షకుల ముందుకు తీసుకువచ్చిన సినిమానే రంగమార్తాండ. ఈ కంప్యూటర్ కాలంలో అమ్మా నాన్నలను పిల్లలు ఎంత బాధ్యతగా చూసుకోవాలి అనేది కృష్ణవంశీ చాలా బలంగా చెప్పారు. ఆయన మార్క్ ఎమోషన్స్ అన్నీ అద్భుతంగా కుదిరాయి. కృష్ణవంశీ రాసుకున్న పాత్రల్లో ప్రకాష్ రాజ్, రమ్యకృష్ణ, బ్రహ్మానందం, అనసూయ, శివాత్మిక సహా మిగిలిన వారందరూ అద్భుతంగా నటించారు. మరీ ముఖ్యంగా ప్రకాష్ రాజ్, రమ్యకృష్ణ, బ్రహ్మానందం పాత్రలు కంట నీరు పెట్టిస్తాయి. మామూలు కమర్షియల్ సినిమాలకి భిన్నంగా ఉండే కృష్ణవంశీ సినిమాలు ఫ్యామిలీ ఆడియన్స్‌కి బాగా కనెక్ట్ అవుతాయి. అలాంటి ఎమోషన్స్ రంగమార్తాండ సినిమా చూసి బయటకి వచ్చాక కూడా ప్రేక్షకులను వెంటాడుతూనే ఉంటాయి.

తనకి నచ్చినట్టు బ్రతికిన రాఘవరావు పిల్లలు పెద్దయ్యాక మాత్రం వారి పద్ధతులకి, ఆలోచనలతో కలవలేక సతమతయ్యే సన్నివేశాలు ప్రేక్షకులను బాగా ఆకట్టుకుంటాయి. నాటి తరానికి నేటి తరానికి మధ్య భిన్న అభిప్రాయాలు..ఒకే ఇంట్లో ఉంటున్నా ఎవరి ఆలోచనా ధోరణి వారిది. కానీ, ఎవరి ఆలోచన వారికి సమంజసం అనిపిస్తుంది. ఇలాంటి నేపథ్యంలో సన్నివేశాలను చూపించిన విధానంలో కృష్ణవంశీ సక్సెస్ అయ్యారు. సాధారణంగా ఇలాంటి కథా నేపథ్యం ఎంచుకోవడం కత్తి మీద సాము. పైగా ఇప్పటికే ఈ కథ అందరూ చూసింది..తెలిసింది. అయినా ఎక్కడా కూడా స్క్రీన్ ప్లే లో గ్రిప్ తగ్గకుండా అద్భుతంగా రాసుకున్నారు.

మన తెలుగు నాటకాలను షేక్‌స్పియర్ నాటకాలతో పోల్చి చూపించడం మరో హైలెట్. ఇక ప్రకాష్ రాజ్, రమ్యకృష్ణ ఇంటి నుంచి బయటకి వచ్చి రోడ్డు పక్కన పడుకునే సన్నివేశాలు, ప్రకాష్ రాజ్..బ్రహ్మానందం మధ్య వచ్చే సన్నివేశాలు సినిమాను మరో లెవల్‌కి తీసుకెళ్ళాయి. కొన్ని సన్నివేశాలు చూస్తుంటే మొరటు గుండె కూడా కరిగిపోతుంది. అంత ఎమోషనల్‌గా చూపించారు కృష్ణవంశీ. తెలుగు సినిమా ఇండస్ట్రీ అంటే పక్కా మాస్ ఎంటర్‌టైనర్స్, ఫ్యాన్ బేస్డ్ సినిమాలే ఆదరిస్తారు అనుకున్న మాటను కృష్ణవంశీ రంగమార్తాండ తో తిప్పికొట్టారు. మొత్తానికి రంగమార్తాండతో ఆయన సత్త మరోసారి చూపించారు.

నటీనటులు:

ప్రకాష్‌రాజ్, రమ్యకృష్ణ, బ్రహ్మానందం లేకపోతే రంగమార్తానడ లేదని ఖచ్చితంగా చెప్పొచ్చు. వారే సినిమాకి ప్రధాన బలం. మిగిలిన పాత్రలు చక్కగా కుదిరాయి. రమ్యకృష్ణ పాత్రకి డైలాగ్స్ తక్కువైనా కళ్ళతోనే సన్నివేశాలను రక్తికట్టించారు. అనసూయ చాలా ఏళ్ళు గుర్తుండిపోయే పాత్రను చేసింది.

టెక్నీషియన్లు:

మ్యూజిక్ మాస్ట్రో ఇళయరాజా సంగీతం రంగమార్తాండ సినిమాకి ఆయువుపట్టు. ఆయన నేపథ్య సంగీతంతో కంటనీరు తెప్పించారు. ఆకెళ్ళ శివ ప్రసాద్ రాసిన డైలాగ్స్ బాగా కుదిరాయి. రాజ్ కె నల్లి అందించిన సినిమాటోగ్రఫీ చాలా నేచురల్‌గా ఉంది. ముఖ్యంగా నాటకం ప్రదర్శించే సమయంలో వాడిన లైటింగ్ హైలెట్.

ఫైనల్‌గా:

ఇలాంటి సినిమాలు చాలా అరుదుగా వస్తాయి.

నాతెలుగు.com రేటింగ్: 3.5

 

VSR

విఎస్అర్ - సీనియర్ సబ్ ఎడిటర్: 5 సంవత్సరాలుగా.. సినిమా, హెల్త్, ఎడ్యుకేషన్, స్పిరిచువల్..వార్తలను రాస్తున్నారు. ప్రముఖ సోషల్ మీడియా వెబ్‌సైట్స్‌లో రాసిన అనుభవం కలదు. 2017 నుంచి సబ్ ఎడిటర్‌గా పని చేస్తున్నారు.

Recent Posts

Puranapanda Srinivas : అభయ గణపతి ఆలయదర్శనమే అమోఘం

Puranapanda Srinivas : హైదరాబాద్, మే 2: పవిత్ర సంకల్పాలు బలంగా నెరవేరడానికి మహాగణపతి మంగళానుగ్రహం తప్పని సరిగా ఉండాలని,…

1 week ago

PURANAPANDA SRINIVAS : పురాణపండకు త్యాగరాయ గానసభలో దక్కిన ఘనత!

PURANAPANDA SRINIVAS : జంట నగరాలుగా భారతదేశంలో ప్రఖ్యాతి గాంచిన హైదరాబాద్, సికింద్రాబాద్‌లలో సుమారు ఆరు దశాబ్దాల సుదీర్ఘ చరిత్ర…

4 weeks ago

Ram Charan: ఊహించని రేంజ్‌లో ‘పెద్ది’ ఫస్ట్ షాట్..’పుష్ప’ రికార్డ్స్ బద్దలు..!

Ram Charan: గ్లోబల్ స్టార్ రామ్ చరణ్ నటిస్తున్న లేటెస్ట్ పాన్ ఇండియా సినిమా 'పెద్ది'. శ్రీరామనవమి పండుగ సందర్భంగా…

1 month ago

Sreeleela: డార్జిలింగ్‌ లో యంగ్ హీరోయిన్‌కి చేదు అనుభవం..

Sreeleela: టాలీవుడ్ యంగ్ బ్యూటీ శ్రీలీలకు షూటింగ్ సమయంలో ఒక చేదు అనుభవం ఎదురైంది. ఇటీవల ఆమె షూట్‌ ముగిసిన…

1 month ago

Nagababu : శ్రీరామచంద్రుని ‘ జయ జయ రామ ‘ ఆవిష్కరించడం అదృష్టం.

Nagababu : శ్రీరామచంద్రుడన్నా , ఆంజనేయుడన్నా ఇష్టం ఉండనివారుండరని ప్రముఖ సినీ నటులు, శాసనమండలి సభ్యులు, జనసేన కార్యదర్శి కొణిదెల…

1 month ago

Tollywood : రీ రిలీజ్‌లో ‘సలార్‌’తో నాని సినిమా పోటీ

Tollywood : పాన్ ఇండియన్ స్టార్ ప్రభాస్ నటించిన భారీ యాక్షన్ మూవీ 'సలార్ పార్ట్ 1 సీజ్ ఫైర్'.…

2 months ago