Spirituality: ఇటీవల కాలంలో ప్రతి ఒక్కరు కూడా ఇంటి నిర్మాణం చేపట్టే సమయంలో అన్ని విషయాలను ఎంతో జాగ్రత్తగా తెలుసుకొని వాస్తు నియమాలను పాటిస్తూ ఇంటి నిర్మాణం చేపడుతున్నారు. ఇక పూజ మందిరానికి కూడా ప్రత్యేకంగా ఒక గది ఏర్పాటు చేసుకున్న సంగతి తెలిసిందే. అయితే చాలామంది పూజ గదిని వంట గదిలోని ఏర్పాటు చేసుకొని ఉంటారు. ఇలా ఎవరికైతే పూజ గది వంటగదిలో ఉందో అలాంటివారు కొన్ని విషయాలు తప్పక తెలుసుకోవాల్సిందేనని పండితులు చెబుతున్నారు.

పూజగది వంటగది రెండు ఒకే చోట ఉంటే ఎలాంటి నియమాలను పాటించాలి అనే విషయానికి వస్తే..వంటగది లేదా బాల్కనీలో పూజగదిని ఏర్పాటు చేయడం వల్ల చెడు ఫలితాలు ఉంటాయట.లివింగ్‌ రూమ్‌లో లేదా ప్రత్యేకంగా ఒక గదిలో పూజ మందిరాన్ని ఏర్పాటు చేసున్నట్లయితే ప్రశాంతమైన వాతావరణం ఉంటుంది.పూజ గదిలో ఈశాన్య దిశగా నాలుగు అంగుళాల ఎత్తులో ప్లాట్‌ఫామ్‌లాగా కట్టి దాని మీద దేవుని పటాలు ఏర్పాటు చేసుకోవాలి.

దేవుడి గదిలో కూర్చునేందుకు అక్కడ చిన్న చిన్న చాపలు కూడా పెట్టుకోవచ్చు. ఇక, గోడలకు వినాయకుడు, రాధా కృష్ణ చిత్రపటాలు అలంకరించవచ్చు. ఇక వంట గదిలో ఎప్పుడు కూడా దేవుడి గదిని పెట్టకండి ప్రత్యేకంగా దేవుడి కోసం చిన్న మందిరాన్ని ఏర్పాటు చేసుకోవాలి అది కూడా ఈశాన్య దిశలో ఉండడం చాలా మంచిది.ఈశాన్యం గదిని దేవుడి గదిగా ఏర్పాటు చేయడం వీలుకాని పక్షంలో తూర్పు, ఉత్తర, పశ్చిమ, దక్షిణ, వాయవ్యాలలో దేవుడిగదిని ఏర్పాటు చేసుకోవచ్చట. నైరుతి ఆగ్నేయ గదులు మాత్రం దేవుడి గదులుగా ఏర్పాటు చేసుకోవచ్చని పండితులు చెబుతున్నారు.