Ugadi: ఉగాది పండుగ రోజు ఈ పనులు చేస్తే చాలు.. ఏడాది మొత్తం విజయమే?

Ugadi: తెలుగువారి సంవత్సరాది ఉగాది పండుగ. ప్రతీ ఏటా చైత్ర శుద్ధ పాడ్యమి నాడు ఉగాది పండుగను జరుపుకుంటాం. ఈ ఏడాది ఉగాది పండుగ ఏప్రిల్ 9వ తేదీ అంటే మంగళవారం వచ్చింది. ఉగాది పండుగ అంటే ప్రకృతి.. పచ్చదనం. అయితే కొత్త సంవత్సరాది ఉగాది పండుగ రోజు చాలా మంది తెలిసీ తెలియక చిన్న చిన్న తప్పులు, పొరపాట్లు చేస్తూ ఉంటారు. ఉగాది రోజు ఖచ్చితంగా కొన్ని రకాల పనులు చేయాలట. ఈ పనులు కనుక చేస్తే ఏడాది మొత్తం ఎంతో సంతోషంగా ఉంటారని పండితులు చెబుతున్నారు. మరి ఉగాది రోజు ఏ పనులు చేయాలి ఎలాంటి పనులు చేయకూడదనే విషయానికి వస్తే..

ఉగాది పండుగ రోజు ఉదయం లేచి తలంటూ స్నానం చేసి మీ కుల దైవాన్ని ఆరాధించాలి అంతేకాకుండా ఉగాది పండుగ రోజు ఎంతో ప్రత్యేకంగా నిలిచే ఉగాది పచ్చడిని తయారు చేసి దేవదేవతలకు నైవేద్యంగా సమర్పించి అనంతరం ఈ పచ్చడిని ప్రసాదంగా ప్రతి ఒక్కరు స్వీకరించాలి. తప్పనిసరిగా ఆలయాలకు వెళ్లి దేవదేవతలను దర్శించుకోవాలి అనంతరం సాయంత్రం పంచాంగం తప్పనిసరిగా వినాల్సి ఉంటుంది. ఇక ఉగాది పండుగ రోజు మీ స్థాయికి అనుగుణంగా అన్నదానం వస్త్రదానం వంటివి చేయటం వల్ల ఎంతో శుభ ఫలితాలను పొందవచ్చు.

ఇక ఉగాది పండుగ రోజు కొన్ని రకాల పనులను అస్సలు చేయకూడదు. పండుగ రోజు పొద్దుపోయే వరకు నిద్రపోకూడదు ఎవరిని దుర్భాషలాడకూడదు. అలాగే ఇంటికి పదునైన వస్తువులను కొనుగోలు చేసి తీసుకురాకూడదు. ఇక చిరిగిపోయిన మాసిపోయిన దుస్తులను ధరించకూడదు ఇక మద్యం మాంసం వంటి పదార్థాలకు కూడా దూరంగా ఉండటం ఎంతో మంచిది.