Holi: హోలీ పండుగ రోజు ఏ దేవుళ్లను పూజించాలో తెలుసా?

Holi: మరికొద్ది రోజులలో హోలీ పండుగ రాబోతున్నటువంటి తరుణంలో ఇప్పటికే అన్ని ఏర్పాట్లు జరుగుతున్నాయి. ఈ హోలీ పండుగను దేశవ్యాప్తంగా చిన్న పిల్లల నుంచి మొదలుకొని ముసలి వాళ్ళ వరకు ఎంతో సంతోషంగా జరుపుకుంటారు. హోలీ పండుగ రోజు రంగులను వేసుకుంటూ ప్రతి ఒక్కరు కూడా ఎంతో సంతోషకరంగా ఈ వేడుకను జరుపుకుంటారనే సంగతి మనకు తెలిసిందే. అయితే హోలీ పండుగ రోజు పెద్ద ఎత్తున పూజలకు కూడా ప్రాధాన్యత కల్పిస్తారు. మరి హోలీ పండుగ రోజు ఏ ఏ దేవతలను ప్రత్యేకంగా పూజిస్తారనే విషయాన్ని వస్తే..

హోలీ పండుగ ఈ ఏడాది మార్చి 25వ తేదీ వచ్చింది. ఇతర పండుగల్లో మాదిరిగానే హోలీలో కూడా దేవుళ్లను ప్రత్యేకంగా పూజిస్తారు. అన్నింటిలో మొదటిది రంగు లేదా గులాల్ దేవునికి మొదటగా పూస్తారు. ఆ తర్వాత మాత్రమే హోలీని ఒకరికి ఒకరు రంగులను అడ్డుకుంటూ రంగుల కేళీ ఆడతారు. ఇలా హోలీ పండుగ రోజు దేవతలను పూజించడం వల్ల సకల సంపదలు కలుగుతాయి. హోలీ పండుగ రోజు హనుమంతుడిని ఎంతో భక్తి శ్రద్ధలతో పూజిస్తారు.

హనుమంతుడిని ఆరాధించడం ద్వారా శారీరక, దైవిక, భౌతిక వేడి నుండి ఉపశమనం పొందుతారు. హోలీ రోజున హనుమంతుడిని పూజించడం వల్ల భక్తుల జీవితాల్లో సుఖ సంతోషాలు లభిస్తాయి. అదేవిధంగా ఆ పరమేశ్వరుడిని కూడా పూజిస్తారు.శివుడిని ఆరాధించడం ద్వారా అన్ని సమస్యల నుండి ఉపశమనం పొంది ఇంట్లో ఐశ్వర్యం ఉంటుంది. రాధా-కృష్ణుల ఆరాధన లేకుండా హోలీ పండుగ అసంపూర్ణంగా పరిగణించబడుతుంది. అలాగే లక్ష్మీదేవి ఆరాధన కూడా ఎంతో ముఖ్యం హోలీ పండుగ రోజు లక్ష్మీదేవిని పూజించడం వల్ల సిరిసంపదలకు లోటు ఉండదు.