Vastu Tips: భోజనం చేసి ప్లేట్ లోనే చేతులు కడుగుతున్నారా.. ఇది తెలుసుకోవాల్సిందే?

Vastu Tips: అన్నం పరబ్రహ్మ స్వరూపం అని చెబుతారు. ఇలా మనం భోజనాన్ని దైవ సమానంగా భావించి తినటం వల్ల మనకు తిండికి ఏ విధమైనటువంటి లోటు ఉండదు. అలా కాకుండా మనం భోజనం చేసి ఇష్టానుసారంగా భోజనాన్ని అవమానిస్తే మనకు తినడానికి కనీసం నాలుగు మెతుకులు కూడా దొరకవని చెబుతుంటారు. అందుకే అన్నం పరబ్రహ్మ స్వరూపమని చెబుతూ ఉంటారు. అయితే ఈ పరబ్రహ్మ స్వరూపమైనటువంటి అన్నం తినే సమయంలో ఎన్నో పద్ధతులను పాటించాల్సి ఉంటుందని పండితులు చెబుతుంటారు.

ముఖ్యంగా భోజనం చేసేటప్పుడు తూర్పు వైపుకే తిరిగి కూర్చోవాలి అలాగే భోజనం ఎప్పుడూ కూడా నేలపైనే కూర్చొని చేయాలి అప్పుడే అన్నపూర్ణాదేవి సంతోషించి ఆమె అనుగ్రహం మనపై ఉంటుంది. ఇక భోజనం చేసేటప్పుడు ఎవరి ఇంటికి అతిథులు వచ్చిన మధ్యలో భోజనం వదిలిపెట్టకూడదు ఇలా చేయడం వల్ల సాక్షాత్తు అన్నపూర్ణ దేవిని అవమానించినట్లే అర్థం. ఇక మనం తింటున్నప్పుడు ఎంగిలి చేతితో వడ్డించుకోవడం పెద్ద తప్పు.

ఇకపోతే చాలామంది భోజనం చేసిన తర్వాత అదే ప్లేటులోనే చేతులు కడిగి పైకి లేస్తారు. ఇలా భోజనం చేసినటువంటి ప్లేట్లోనే చేతులు కడగడం పరమ దరిద్రమని పండితులు చెబుతున్నారు. మనం తినే భోజనం అన్నపూర్ణ దేవితో సమానం కనుక అదే ప్లేట్లో చేయి కడగటం వల్ల అన్నపూర్ణ దేవిని అవమానించినట్లేనని పండితులు చెబుతున్నారు. అందుకే భోజనం చేసిన తర్వాత పొరపాటున కూడా చేతులు ప్లేట్లోనే కడగకూడదు పక్కకు వెళ్లి చేతులు కడగటం ఎంతో మంచిది.