Inspiring: ప్రతి మనిషి జీవితంలో ఓటమి గురించి ఎక్కువగా ఆలోచిస్తూ ఉంటాడు. విచారిస్తూ ఉంటాడు. నిరాశ, నిస్పృహకి లోనవుతూ కృంగిపోతూ జీవితంలో ముందుకి కదలలేక కష్టాల సుడిలో పడి క్రిందమీద పడుతూ ఉంటాడు. ప్రపంచంలో పేదరికానికి కారణం ఆశ లేకపోవడం. ముందుకి వెళ్లాలనే ద్యాస లేకపోవడం. ఉన్నా అడ్డంకులు ఉన్నాయని, చుట్టూ ఉన్న ఇబ్బందుల గురించి అదే పనిగా ఆలోచిస్తూ ఉండటం. కష్టాలు అనే ఆలోచనలని నిరంతరం మోస్తూ ఉండటమే. వీటన్నిటికీ కారణం ఓడిపోతామని భయంతో జీవితాన్ని కొనసాగిస్తూ ఉండటం. ప్రతి రోజు బాధ్యతలు అనే భయంలో ప్రయాణం చేస్తూ ఉండటం. ఈ విషయం అందరికి తెలుసు కానీ నా జీవితం ఇంతే అనే ఇక నిరాశ దృక్పథంలో ఉండిపోయి బయటకి రాలేని జనమే మన చుట్టూ కనిపిస్తారు. నిజానికి ఓడిపోతామనే భయం దేనికి అసలు జీవితంలో ఓటమి అనేది ఉందా అంటే కచ్చితంగా లేదని నేనంటాను. ఓటమి అనేది లేదు అంటే చాలా మంది ఒప్పుకోరు.
ఎందుకంటే వారు జీవితంలో ఆ ఓటమి అనే అంశాన్ని పదే పదే అనుభవిస్తున్నారు. అలవాటుగా మార్చేసుకున్నారు అందుకే దానిని అంగీకరించడానికి చాలా మందికి వెంటనే మనసు రాదు. కానీ ఒక్కసారి మన జీవితం, మనిషి జీవితం ఎక్కడ మొదలయ్యిందో అనేది ఏక్షణమైన వెనక్కి తిరిగి వెళ్లి ఆలోచించడం మొదలు పెడితే ఇప్పటి వరకు మనం ఎప్పుడు ఓడిపోలేదు కదా అనిపిస్తుంది. తల్లి గర్భంలో ఒక విత్తనంగా ప్రాణం పోసుకున్న మనం తొమ్మిది నెలలు అక్కడే ఉన్నాం. కనీసం కదలలేని స్థితిలో జీవం వచ్చినప్పటి నుంచి ఈ భూమి మీదకి వచ్చే వరకు ఉన్నాం. అతి కష్టం మీద తల్లి గర్భాన్ని చీల్చుకుంటూ ఈ ప్రపంచంలోకి అడుగుపెట్టాం. అదే మన మొదటి గెలుపు. ఆ గెలుపుని మనం ఆస్వాదించలేము. కళ్ళు తెరిచిన తర్వాత మనవాళ్ళని గుర్తించడానికి చేసే ప్రయత్నంలో మళ్ళీ గెలుస్తాం… ఇక ఊహ వచ్చిన తర్వాత మోకాళ్ళతో నడిచే ప్రయత్నం చేస్తాం మొదట్లో క్రింద పడతాం.
వయస్సులో కానీ జీవితం పరుగులో కానీ మనం విజేతలుగానే ప్రయాణం చేస్తూ ఉంటాం. కానీ ఎప్పుడైతే ప్రయత్నం ఆగిపోతుందో, ఎప్పుడైతే ప్రయత్నంలో ఎదురయ్యే అవరోధాలకి భయపడటం మొదలు పెట్టామో, ఎప్పుడైతే జీవితంలో అంత వరకు మన వెంట ఉన్న గెలుపుని ఆస్వాదించడం మరిచిపోతామో అప్పుడే ఓటమిని అంగీకరించడం మొదలు పెడతాం. ఒక్కసారి ఓటమిని అంగీకరిస్తే నిరంతరం అది మనవెంటే ఉంటుంది. ఒక్కసారి ఓటమిని ఆస్వాదించడం మొదలు పెడితే అది నిరంతరం మనల్ని భయపెడుతూనే ఉంటుంది.
భయంతో పదే పదే పొరపాట్లు చేస్తూ ఉంటాం. ఆ పొరపాట్లు మన జీవితాన్ని మరింత ప్రమాదంలో పడేస్తాయి. మానసికంగా మరింత ఒత్తిడిని పెంచేస్తాయి. మరింత భయాన్ని పరిచయం చేస్తాయి. ఇక అక్కడితోనే జీవితంలో గెలుపుని మరిచిపోతాం. అయినా మనకి తెలియకుండానే చావు సమీపించే వరకు కాలాన్ని గెలుస్తూనే జీవితాన్ని కొనసాగిస్తున్నాం. కానీ సమస్య ఏంటంటే ఓటమి అనే భయాన్ని వెంటే పెట్టుకొని గెలుపుని మరిచిపోవడం వలన జీవితంలో ఓడిపోతున్నామని అనిపిస్తుంది. ఒక్కసారి ఆ భయాన్ని దాటొచ్చి ఓటమి అనే మాటని చీకట్లో వదిలేసి ప్రతి అడుగులో గెలుపుని వెతకడం మొదలు పెట్టు. కాలం నీకు కావాల్సిన ప్రతిదీ ఇస్తుంది. జీవితం నిన్ను నిరంతరం సంతోషంలోనే ఉంచుతుంది. ప్రయాణం నీ ప్రతి ప్రయత్నానికి సహకరిస్తుంది.
Pawan Kalyan: పవన్ కళ్యాణ్ సినిమా అంటే ప్రతీ ఒక్కరిలో ఉండే ఆతృత, ఆసక్తి ఊహించలేనిది. ఎన్ని సినిమాలు బాక్సాఫీస్…
*బాలకృష్ణ, బొల్లినేనికి ఈ.ఓ శ్రీనివాసరెడ్డి కృతజ్ఞతలు *ఖాద్రీ లక్ష్మీ నరసింహస్వామి బ్రహ్మోత్సవాలలో శ్రీమాలిక Kadiri Narasimha Swamy: కదిరి, మార్చి…
Pawan Kalyan:హైదరాబాద్లో ఉస్తాద్ భగత్సింగ్ ప్రీరిలీజ్ ఈవెంట్..ఏ డేట్ లాకైందో తెలుసా? అంటూ ఇప్పుడు ఓ ఇంట్రెస్టింగ్ న్యూస్ ఒకటి…
Ram Charan: మెగాపవర్ స్టార్ రామ్ చరణ్ నటిస్తున్న పాన్ ఇండియా సినిమా 'పెద్ది' నుంచి అప్డేట్స్ రావడం లేదని…
Mega 158: మెగాస్టార్ నటిస్తున్న లేటెస్ట్ మూవీ మెగా 158 వర్కింగ్ టైటిల్తో తెరకెక్కుతోంది. గతంలో చిరుకి వాల్తేరు వీరయ్య…
Puranapanda Srinivas: తిరుమల క్షేత్రమే తరలి వచ్చినట్లుగా వేల కొలది భక్తుల ఆనందోత్సాహాల మధ్య హైదరాబాద్ జూబిలీహిల్స్ శ్రీ వేంకటేశ్వరస్వామి…
This website uses cookies.