Yash : జై హనుమాన్ లో యశ్? ఆ క్యారెక్టర్ కోసమేనా?

Yash : పాన్ ఇండియా సినిమాగా ప్రపంచవ్యాప్తంగా విడుదలైన హనుమాన్ మూవీ బాక్సాఫీస్ ను షేక్ చేసింది. ఈ మూవీ రిలీజైన అన్ని భాషల్లో భారీ వసూళ్లను రాబట్టింది. సినిమా విడుదలై 30 రోజులు పూర్తైనా ఇప్పటికీ థియేటర్స్ లో హౌస్ ఫుల్ కలెక్షన్స్ రాబడుతోంది. హనుమాన్ ఎఫెక్ట్ తో మిగతా ఫిల్మ్ మేకర్స్ కూడా ఇతిహాసాల ఆధారంగా మూవీస్ చేయాలని ఇంట్రెస్ట్ చూపిస్తున్నారు. ఇక హనుమాన్ డైరెక్టర్ ప్రశాంత్ వర్మ మూవీ హిట్ ను ఎంజాయ్ చేస్తూనే జై హనుమాన్ సినిమాను తెరకెక్కించేందుకు ప్లాన్స్ చేస్తున్నాడు. ఈ మూవీ అనౌన్స్‎మెంట్ అయినప్పటి నుంచి రకరకాల వార్తలు నెట్టింట్లో ప్రత్యక్షమవుతున్నాయి. తాజాగా ప్రశాంత వర్మ సినిమాటిక్ యూనివర్స్ లో ప్రముఖ కన్నడ స్టార్ యష్ భాగం కాబోతున్నాడన్న టాక్ వినిపిస్తోంది. యశ్ హనుమంతుడి క్యారెక్టర్ ను పోషించబోతున్నాడన్న న్యూస్ సోషల్ మీడియాలో వైరల్ అవుతోంది. హనుమంతుడిగా యష్ రెడీ అవుతున్నాడని కన్నడనాట టాక్ వినిపిస్తుంది. ఈ క్రమంలో తాజాగా జై హనుమాన్ టీమ్ ఈ విషయంపై క్లారిటీ ఇచ్చింది.

టాలీవుడ్ లోనే కాదు అన్ని సినీ ఇండస్ట్రీల్లో ప్రస్తుతం సినిమాటిక్ యూనివర్స్‌ల ట్రెండ్ నడుస్తోంది. లేటెస్ట్ గా యంగ్ డైరెక్టర్ ప్రశాంత్ వర్మ కూడా తన సొంత సినిమాటిక్ యూనివర్స్‌ను అనౌన్స్ చేశాడు. ఇప్పటికే ప్రశాంత్ సినిమాటిక్ యూనివర్స్ నుండి వచ్చిన ఫస్ట్ మూవీ ‘హనుమాన్’ ఎలాంటి హిట్ సాధించిందో అందరికీ తెలిసిందే. ఇప్పుడు అందరి దృష్టి ప్రశాంత్ తీయబోయే రెండో మూవీ ‘జై హనుమాన్’ పై పడింది. ప్రశాంత్ కూడా తన మూవీ ప్రీ ప్రొడక్షన్ పనుల్లో బిజీగా ఉన్నాడు. ఈ క్రమంలోనే కన్నడ స్టార్ హీరో యశ్ జై హనుమాన్ లో కనిపించబోతున్నాడన్న వార్త నెట్టింట్లో వైరల్ అవుతోంది. వాస్తవానికి ‘జై హనుమాన్’ అనౌన్స్ అయినప్పటి నుంచి రోజుకో స్టార్ పేరు తెరముందుకు వస్తోంది. ఈ సినిమా కథ పూర్తిగా హనుమంతుడి చుట్టూ తిరుగుతుందని తెలుస్తోంది. అయితే హానుమాన్ లో హీరో తేజ్ సజ్జా ఏ పాత్ర పోషించాడో జై హనుమాన్ లోనూ అదే ఉంటుందని సమాచారం. అయితే హనుమంతుడి పాత్ర ఎవరు పోషిస్తున్నారు అన్నదానిపై ఆసక్తి పెరిగింది.

హనుమాన్ సినిమాలో అంజనేయుడి పాత్రను చిరు పోషిస్తారని అంతా అనుకున్నారు కానీ అది జరగలేదు. దీంతో జై హనుమాన్ లో అయినా హనుమంతుడి పాత్రను చిరంజీవి పోషిస్తారని టాక్ టాలీవుడ్ లో వినిపించింది. అయితే ఇంతలోనే ఆ క్యారెక్టర్ లో యశ్ కనిపిస్తాడని వార్తలు వైరల్ అయ్యాయి. అయితే ఇది కూడా రూమర్ అని తెలుస్తోంది. అలాంటి పాత్ర చేయడానికి యశ్ రెడీగా లేడని ఆయన సన్నిహితులు క్లారిటీ ఇచ్చారు. ప్రస్తుతం తన ఫోకస్ అంతా అప్‌కమింగ్ మూవీ ‘టాక్సిక్’పైనే ఉందని తెలుస్తోంది.