Sravana Masam: మన తెలుగు క్యాలెండర్ ప్రకారం ఉన్న 12 నెలలకు ఎంతో మంచి ప్రాధాన్యత ఉంది. ఆషాడ మాసం ముగుస్తున్న నేపథ్యంలో తదుపరి రాబోయే శ్రావణమాసం కూడా ఎంతో ప్రత్యేకతను విశిష్టతను కలిగి ఉంది. శ్రావణమాసం అంటేనే పెద్ద ఎత్తున పూజలు వ్రతాలు నోములు అని చెప్పాలి. విశిష్టమైన ఈ శ్రావణమాసంలో నాగ పంచమి పండుగను మొదటగా నిర్వహిస్తారు. ఇకపోతే శ్రావణమాసంలో తరచూ మనకు పాములు కనబడుతూ ఉంటాయి. ఇలా పాములు కనబడటానికి గల కారణం ఏంటి వీటి వెనక దాగి ఉన్న సైన్స్, ఆధ్యాత్మికత ఏంటి అనే విషయానికి వస్తే..

శ్రావణ మాసంలో నాగపంచమి వేడుకలను పెద్ద ఎత్తున జరుపుకుంటారు అలాగే శివుడికి ప్రత్యేకంగా పూజల నిర్వహిస్తారు. శివుడి కంటాభరణం పాము అనే సంగతి మనకు తెలిసిందే. అందుకే శ్రావణ మాసంలో పాములు కనిపించిన వాటిని చంపడానికి ఎవరు ముందుకురారు. శ్రావణమాసంలో నాగదేవతులను పూజించడం వల్ల సర్ప దోషాలు కూడా తొలగిపోతాయని భావిస్తారు. అదేవిధంగా ఐశ్వర్యాభివృద్ధి, సంతానం లేని వారికి సంతానం కూడా కలుగుతుందని భావిస్తారు అందుకే శ్రావణమాసంలో నాగ దేవతలను పూజించడం జరుగుతుంది.

Sravana Masam: పాముల సంతానోత్పత్తికి అనువైన సమయం ..

సైన్స్ ప్రకారం శ్రావణమాసంలోనే  పాములు కనిపించడానికి కారణాలు ఏంటి అనే విషయానికి వస్తే సాధారణంగా శ్రావణమాసం వర్షాకాలంలో వస్తుంది. వర్షాకాలంలో పెద్ద ఎత్తున వానలు కురవటం వల్ల వర్షపు నీరు పాములు ఉన్న బొరియలలోకి వెళ్తూ ఉంటాయి. తద్వారా పాములు బయటకు రావడం జరుగుతుంది. ఇక వర్షాకాలంలో క్రిమి కీటకాలు కూడా ఎక్కువగా ఉంటాయి కనుక పాములు ఆహారం కోసం తరచు బయటకు వస్తుంటాయి. ఇక శ్రావణమాసం పాముల సంతానోత్పత్తికి అనువైన సమయం అందుకే గుడ్లు పెట్టడానికి అనువైన ప్రదేశాల కోసం సంచరిస్తూ ఉంటాయి. అందుకే శ్రావణమాసంలో ఎక్కువగా పాములు బయట కనిపిస్తూ ఉంటాయని సైన్స్ చెప్తుంది. అయితే పాములు బయట కనిపిస్తే వాటిని చంపటం లేదా వాటికి పాలు పోసి పూజలు చేయడం వంటివి సరైన చర్యలు కాదని నిపుణులు చెబుతున్నారు.