Ovarian cancer: ఇటీవల కాలంలో మహిళలలో పెద్ద ఎత్తున అండాశయ క్యాన్సర్లు పెరిగిపోతున్నాయి. మారుతున్న జీవనశైలిలో భాగంగా ఇటీవల ఎన్నో అనారోగ్య సమస్యలు పెరిగి పోతున్నాయి. ఈ నేపథ్యంలోనే క్యాన్సర్ మహమ్మారి చాప కింద నీరు లాగా వ్యాప్తి చెందుతుంది. మహిళల్లో ముఖ్యంగా రొమ్ము క్యాన్సర్ తో పాటు అండాశయ క్యాన్సర్ కూడా వ్యాప్తి చెందుతుంది. అయితే ఈ క్యాన్సర్ మొదటి దశలోనే గుర్తించటం వల్ల సరైన చికిత్స తీసుకుంటే ఈ వ్యాధి నుంచి బయటపడవచ్చు కానీ సరైన లక్షణాలను గుర్తించకపోవడంతో ఎన్నో సమస్యలను ఎదుర్కొంటున్నారు. మరి అండాశయ క్యాన్సర్ లక్షణాలు ఏంటి అనే విషయాన్ని వస్తే..

అండాశయ క్యాన్సర్ ఎక్కువగా 50 సంవత్సరాలు వయసు ఉన్న మహిళలలో ఎక్కువగా వ్యాప్తి చెందుతుంది.ఎండోమెట్రియోసిస్ వంటి వైద్య పరిస్థితులు, ధూమపానం, స్త్రీ తన జీవిత కాలంలో ఎక్కువ సార్లు అండాలను విడుదల చేయడం, అధిక బరువు లేదా ఊబకాయం, గర్భ నిరోధకాలు అధికంగా వాడటం వల్ల క్యాన్సర్ వచ్చే ప్రమాదం అధికంగా ఉంటుంది. మరి ఈ క్యాన్సర్ ను ఎలా గుర్తించాలి వీటి లక్షణాలు ఏంటనే విషయాన్ని వస్తే..

Ovarian cancer: అండాశయ క్యాన్సర్ లక్షణాలు..

అండాశయ క్యాన్సర్ తో బాధపడుతున్న మహిళలలో ఎక్కువగా పొత్తి కడుపులో నొప్పి ఉంటుంది.వెన్ను నొప్పి, ఉన్నఫళంగా మూత్రవిసర్జన జరగడం, ఆకలి లేకపోవడం, అజీర్తి, కడుపులో ఉబ్బరం, తరచూ రక్తస్రావం కావడం, ఉన్నపలంగా బరువు తగ్గడం, తరచూ నీరసంగా ఉండటం చిన్న పనికే అలసిపోవడం వంటి లక్షణాలు కనుక మీలో ఉన్నట్లయితే వెంటనే డాక్టర్ ను సంప్రదించి సరైన చికిత్స తీసుకోవడం ఎంతో అవసరం. ఈ లక్షణాలన్నీ కూడా అండాశయ క్యాన్సర్ కు కారణం కావచ్చు. ఈ లక్షణాలు ఉన్న వెంటనే డాక్టర్ ను సంప్రదించడం వల్ల ప్రస్తుతం ఉన్న అదునాతన వైద్య చికిత్స ద్వారా క్యాన్సర్ కు చికిత్స అందించడం వల్ల ఈ వ్యాధి నుంచి మనం బయటపడవచ్చు. ప్రస్తుతం క్యాన్సర్ కు ఎన్నో ఆధునిక పద్ధతులలో చికిత్స అందుబాటులో ఉంది కనుక క్యాన్సర్ నుంచి కూడా సురక్షితంగా బయటపడవచ్చు.