Tollywood Heroines: టాలీవుడ్లో ఒక దర్శకుడిగా 100 కోట్లను సంపాదించిన ఘనత దాన్ని పోగొట్టుకున్న చేతకాని తనం గురించి మాట్లాడుకోవాలంటే అది ఒక్క పూరి జగన్నాద్ విషయంలోనే. అమ్మానాన్నల సపోర్ట్ తో చిత్ర పరిశ్రమలోకి అడుగుపెట్టి దర్శకుడిగా పూరి మొదటి సినిమాతోనే సంచలనం సృష్ఠించారు. పవన్ కళ్యాణ్ లాంటి స్టార్ అవకాశం ఇవ్వడం అంటే కథ నరేషన్ ఎంత గొప్పగా ఉంటుందో అర్థం అవుతుంది.
పూరి జగన్నాద్ సినిమాలో హీరో మహా మాస్ గా ఉంటాడు. రాటుతేలిన సింహంలా గర్జిస్తాడు. క్లాస్ హీరోకి కూడా మాస్ ఇమేజ్ వచ్చేస్తుందీ అంటే అది ఒక్క పూరి జగన్నాద్ వల్లే. ఇక హీరోయిన్స్ విషయంలో కూడా పూరి ఎంతో ప్రత్యేకమైన శ్రద్ధ తీసుకుంటారు. కథలో ఖచ్చితంగా హీరోయిన్ పాత్రకి ప్రాధాన్యత ఉంటుంది. ఇది అందరి దర్శకుల వల్లా కాదని చెప్పొచ్చు. అయితే, పూరి జగన్నాద్ పరిచయం చేయగా ఇప్పటికీ స్టార్ హీరోయిన్ గా మంచి క్రేజ్ ఉన్న అనుష్క శెట్టి ఉన్నట్టే అసలు అడ్రస్ లేకుండా పోయిన హీరోయిన్స్ కూడా ఉన్నారు.
ఎందుకనో పూరి ఛాన్స్ ఇవ్వగానే గాల్లో మేడలు కట్టేసుకున్న హీరోయిన్స్ మళ్ళీ టాలీవుడ్లో కనిపించలేదు. వారెవరో ఒకసారి చూద్దాం.
బద్రి: ఈ సినిమాతో తెలుగు తెరకి పరిచయమయ్యారు రేణు దేశాయ్, అమీషా పటేల్. ఇద్దరికీ మంచి సక్సెస్ వచ్చింది. కానీ, ఇప్పుడు ఇద్దరూ సినిమాలకి దూరంగా ఉన్నారు. రేణు దేశాయ్ గురించి ప్రత్యేకంగా చెప్పనవసరం లేదు. తెలుగులో పవన్ కళ్యాణ్ తోనే బద్రి, జానీ సినిమాలు చేశారు. అంతే. మళ్ళీ ఇంతకాలానికి మాస్ మహారాజ రవితేజ నటించిన టైగర్ నాగేశ్వర రావు సినిమాతో రీ ఎంట్రీ ఇచ్చారు. ఇలాగే కంటిన్యూ అవుతారా లేదా అనేది ఇంకా క్లారిటీ లేదు. అమీషా పటేల్ తెలుగులో చేసింది చాలా తక్కువ సినిమాలే. బాలీవుడ్ లో మాత్రం బాగానే వెలిగింది.
రక్షిత: ఇడియట్ సినిమాతో పరిచయమైన రక్షిత మొదట్లో మంచి సక్సెస్లు అందుకున్నా ఆ తర్వాత తెరమరుగైపోయింది. ఎన్.టి.ఆర్, నాగార్జున, చిరంజీవి లాంటి స్టార్స్ తో నటించినప్పటికీ రక్షిత ఇక్కడ నిలబడలేకపోయింది.
ఆసిన్: అమ్మా నాన్న ఒక తమిళ అమ్మాయి సినిమాతో పూరి టాలీవుడ్ కి పరిచయం చేశారు. ఈ సినిమా తర్వాత ఆసిన్ తెలుగులో మంచి క్రేజ్ తెచ్చుకుంది. పూరి ఇచ్చిన లైఫ్ ఆసిన్ కి బాగా ఉపయోగపడింది. భారీగా రెమ్యునరేషన్ తీసుకునే స్థాయికి చేరుకుంది. హిందీ, తమిళంలో ఆసిన్ బాగానే పాపులారిటీ తెచ్చుకుంది.
కంగనా రనౌత్: పొకిరి సినిమాతో పరిచయం చేయాలనుకున్న పూరి కుదరక ప్రభాస్ నటించిన ఏక్ నిరంజన్ ద్వారా తీసుకొచ్చారు. తెలుగులో కంగనా నటించిన ఒకే ఒక్క స్ట్రైట్ సినిమా ఇది. అంతే ఏక్ నిరంజన్ ఫ్లాపవడంతో మళ్ళీ అడ్రస్ లేదు.
అనుష్క శెట్టి-ఆయేషా టాకియా: నాగార్జున హీరోగా పూరి జగన్నాద్ తెరకెక్కించిన సూపర్ సినిమాతో అనుష్క శెట్టి, ఆయేషా టాకియా తెలుగు ఇండస్ట్రీకి పరిచ్యం అయ్యారు. ఆయేషా కి మంచి హిట్ వచ్చినా మళ్ళీ అడ్రస్ లేదు. అనుష్క మాత్రం ఇంకా మంచి కెరీర్ ని లీడ్ చేస్తుంది. ఇటీవల మిస్ శెట్టి మిసెస్ పోలిశెట్టి సినిమాతో వచ్చి హిట్ అందుకుంది.
దిశ పటాని: లోఫర్ సినిమాతో వచ్చిన ఈ బ్యూటీ మళ్ళీ కంటికి కనిపించలేదు. వీరే కాదు, ఇజం సినిమాతో పరిచయమైన అదితి ఆర్య, నేనింతే సినిమాతో పరిచయమైన శియా గౌతం, చిరుత సినిమాతో పరిచయమైన నేహ శర్మ లాంటి వారు మళ్ళీ కనిపించలేదు. వీళ్ళు పూరి సినిమాతో తమ స్టార్ తిరుగుతుందని భావించారు.
ఇక హన్షిక మొత్వాని, ప్రియమణి, ఇలియానా, త్రిష, అమలా పాల్, కేథరీన్, కాజల్ అగర్వాల్, నభా నటేష్, నిధి అగర్వాల్ లాంటి వారు పూరి సినిమాలతో మంచి హిట్స్ అందుకున్నారు. కానీ, వీళ్ళలో కొందరు ఇప్పుడు అవకాశాల కోసం ఆవురావురంటున్నారు.
Tirumala: తిరుమల శ్రీవారి దర్శనం కోసం భక్తులు పెద్ద ఎత్తున తరలివస్తున్నారు. సాధారణంగా వేసవి సెలవులు పూర్తి కావడంతో భక్తుల రద్దీ…
Tooth Decay: మన శరీరంలో ప్రతి ఒక్క అవయవం ఆరోగ్యవంతంగా ఉంటేనే మనం కూడా చాలా ఆరోగ్యంగా ఉంటాము. మన…
Temple Donation: మన హిందూ సాంప్రదాయాల ప్రకారం మనం ఏదైనా ఆలయానికి వెళ్ళినప్పుడు అక్కడ పూజ హోమాలు నిర్వహించిన లేదా…
Health care: ఇటీవల కాలంలో ప్రతి ఒక్కరూ మొబైల్ ఫోన్ కు అంకితం అవడం లేదంటే వారి వృత్తిపరమైన జీవితంలో…
Tirumala: తిరుమల తిరుపతిలో కొలువై ఉన్న శ్రీ వెంకటేశ్వర స్వామి దర్శనం కోసం పెద్ద ఎత్తున భక్తులు తరలివస్తూ ఉంటారు.…
Covid 19: దేశవ్యాప్తంగా కరోనా కేసులు నమోదు అవుతున్న నేపథ్యంలో వైద్య ఆరోగ్యశాఖ అప్రమత్తమయింది. ఇప్పటికే ఏపీలో పాటు పలు…
This website uses cookies.