Ashada Masam: మన తెలుగు నెలలలో ఆషాడ మాసం ఒకటి. ఈ ఆషాడం మాసానికి కూడా ఎంతో ప్రత్యేకత ఉంది. అయితే ఆషాడం మాసం విశిష్టత కలిగి ఉన్నప్పటికీ కొన్ని పనులను చేయకూడదని పెద్దలు చెబుతూ ఉంటారు. మరి ఆషాడ మాసంలో ఎలాంటి పనులు చేయకూడదు?ఎలాంటి పనులు చేయాలి? ఆషాడ మాసం యొక్క విశిష్టత ఏంటి అనే విషయానికి వస్తే..జ్యేష్ఠ మాసం ముగిసిన వెంటనే అత్యంత పవిత్రమైన ఆషాఢ మాసం ప్రారంభమవుతుంది. ఆషాడమాసం శుభకార్యాలకు సరైనది కాకపోయినప్పటికీ ఈ నెలకు ఎంతో ప్రత్యేకత ఉంది. ఆషాడ మాసంలో జగన్నాథ రథయాత్ర, గురు పూర్ణిమ, దేవశయని ఏకాదశి వంటి అతి పెద్ద పండుగలు వస్తాయి.

ఇలా ఆషాడ మాసం ఎంతో పవిత్రమైనది అయినప్పటికీ కొన్ని పనులకు పూర్తిగా మంచిది కాదని పండితులు చెబుతున్నారు. మరి ఆషాడమాసంలో ఎలాంటి పనులు చేయకూడదు అంటే.. ఎలాంటి పరిస్థితులలో కూడా నూతన గృహాలు, వివాహాలు చేయడం వంటి శుభకార్యాలు చేయటం మంచిది కాదు. అధర్మ కార్యక్రమాలకు దూరంగా ఉండాలి పొరపాటున ఇతరులపై కోపతాపాలను చూపకూడదు. ఇతరుల గురించి తప్పుగా మాట్లాడటం వారిపై నిందలు వేయట కూడా మంచిది కాదు. ఇక ఆషాడ మాసంలో వీలైనంతవరకు మాంసం మద్యం వంటి ఆహార పదార్థాలకు దూరంగా ఉండాలి. కొత్త వ్యాపారాలను ప్రారంభించాలనుకునేవారు ఈ నెలలో మొదలు పెట్టకపోవడం మంచిది.

Ashada Masam: ఆషాడంలో దానధర్మాలు చేయాలి..

ఇలా ఈ పనులకు ఆషాడ మాసం విశిష్టమైనది కాదు. వీలైనంతవరకు ఈ పనులకు దూరంగా ఉండటం మంచిది. ఇక ఆషాడ మాసంలో కొన్ని పనులను చేయటం మంచి ఫలితాలను ఇస్తుంది. ప్రతిరోజు ఉదయాన్నే నిద్రలేచి స్నానం ముగించుకుని, రాగి పాత్రలో నీరు తీసుకుని సూర్య భగవానుడికి అర్ఘ్యం ఇవ్వాలి. ఇది ఆరోగ్యానికి, కీర్తి ప్రతిష్టలకు మేలు కలిగిస్తుంది. ఇక ఈ ఆషాడ మాసంలో మహావిష్ణువుని పూజించడం ఎంతో మంచిది. ప్రతిరోజు విష్ణు సహస్ర పారాయణం చేయటం లేదా వినటం వల్ల జాతక దోషాలు కూడా తొలగిపోతాయని పండితులు చెబుతున్నారు. ఈ ఆషాడ మాసంలో గొడుగులు, చెప్పులు, ఉప్పు, పండ్లు, గోధుమలను పేదలకు దానం చేయటం మరింత పుణ్యఫలాన్ని కలిగిస్తుంది.