Taapsee Pannu : ఢిల్లీ బ్యూటీ తాప్సీ పన్ను తెలుగు ఇండస్ట్రీ నుంచి తన సినీ కెరీర్ ను ప్రారంభించింది. మొదటి సినిమా ఝుమ్మందినాదం లోనే తన అందాలతో కుర్రాళ్ల హృదయాలను దోచేసింది. ఆ తర్వాత వరుసగా తెలుగులో పలు సినిమాల్లో నటించి మంచి గుర్తింపును తెచ్చుకుంది. అయితే అందం, నటన రెండూ ఉన్నా కూడా తెలుగులో ఆమెకు స్టార్ ఇమేజ్ దక్కలేదు. అనుకున్న హిట్ దక్కకపోవడంతో ఈ బ్యూటీ బాలీవుడ్ కు మకాం మార్చింది. ఇక అక్కడ అతి కొద్ది కాలంలోనే టాప్ హీరోయిన్ రేంజ్ కు చేరుకుంది. ఓ వైపు సందేశాత్మక, లేడీ ఓరియెంటెడ్ సినిమాల్లో నటిస్తూనే మరోవైపు స్టార్ హీరోలతో జత కడుతూ నార్త్ లో చెలరేగిపోతోంది తాప్సీ. సినీ కెరీర్ లో సక్సెస్ ఫుల్ గా ముందుకు సాగుతోంది. రీసెంట్ గా షారుక్ ఖాన్ నటించిన మూవీ డంకీలో ఆయనకు జోడీగా నటించి మరోసారి అమ్మడి ప్రతిభను చూపించింది. ఇలా బాలీవుడ్లో సెటిల్ అయిన ఈ బ్యూటీ అప్పట్లో టాలీవుడ్ మేకర్స్ పై కాంట్రవర్సీ కామెంట్స్ చేసి ట్రోలింగ్ కి కూడా గురైంది. అయినా అవేమీ అమ్మడిని ఆపలేకపోయాయి. ఇవన్నీ పక్కన పెడితే ప్రస్తుతం తప్సీ వయసు 36 ఏళ్లు. తన తోటి వయసున్న చాలా మంది హీరోయిన్లు ఇప్పటికే పెళ్లిళ్లు చేసుకుని సెటిల్ అయ్యారు.కానీ తాప్సీ మాత్రం ఇంత వయసొచ్చినా పెళ్లి మాట ఎత్తడంలేదు.
ఇకపోతే తాప్సీ డెన్మార్క్ బ్యాడ్మింటన్ ప్లేయర్ మాథిస్ బో తో ప్రేమాయణం కొనసాగిస్తోందని ఇప్పటికే సోషల్ మీడియాలో చాలా రూమర్స్ వచ్చాయి. కానీ తాప్సీ మాత్రం ఎప్పుడూ ఈ అంశంలో స్పందించలేదు. మాథిస్, తాప్సీ ఇద్దరూ వెకేషన్స్ కు వెళ్లడంతో వీరిద్దరి మధ్య రిలేషన్ ఉందని అందరి నమ్మకం. మీడియా చాలా సార్లు ఈ విషయం గురించి గుచ్చి గుచ్చి అడిగినా తాప్సీ సమాధానం దాటేస్తూ వచ్చేది. ఒకానొక సమయంలో తాప్సీకి మథియాస్ తో బ్రేకప్ అయిందన్న న్యూస్ కూడా నెట్టింట్లో వైరల్ అయ్యింది. ఈ క్రమంలో తాప్సీ ఈ రూమర్స్ కు తాజాగా చెక్ పెట్టింది. తన రిలేషన్షిప్ స్టేటస్ గురించి ఎట్టకేలకు ఓపెన్ అయింది. మథియాస్ తో తాను లవ్ లో ఉన్నానని క్లారిటీ ఇచ్చింది. అంతే కాదు గత పదేళ్లుగా మాథిస్ ను లవ్ చేస్తున్నానని తాప్సీ తెలిపింది. బాలీవుడ్ లో కెరీర్ స్టార్ట్ చేసినప్పుడే మథిస్ తో పరిచయం ఏర్పడిందని, అప్పటినుంచి ఇప్పటివరకు ఆయన్నే ప్రేమిస్తున్నానని చెప్పుకొచ్చింది.
తాప్సీ తన రిలేషన్ గురించి మాట్లాడుతూ..” బాలీవుడ్ లో కెరీర్ స్టార్ట్ చేసినప్పుడే మాథిస్ తో పరిచయం ఏర్పడింది. గత పదేళ్లుగా మథిస్ తో రిలేషన్ లో ఉన్నాను. ఇన్ని రోజులు అతనితో నేను చాలా సంతోషంగా ఉన్నాను. ఎప్పుడూ అతడికి బ్రేకప్ చెప్పాలన్న ఆలోచన రాలేదు. మరొకరితో రిలేషన్ ప్రారంభించాలన్న కోరిక కలగలేదు. మా బంధం రాను రాను చాలా బలంగా మారింది. అయితే నా లవ్ మేటర్ మాత్రం ఇప్పటి వరకు ఎవరికీ చెప్పలేదు. ఎక్కడా మాట్లాడలేదు. ఎందుకంటే లవ్, మ్యారేజ్ విషయంలో నాకంటూ కొన్ని నిర్థిష్టమైన అభిప్రాయాలు ఉన్నాయి”. అని తాప్సీ తెలిపింది. దీంతో తాప్సీ కామెంట్స్ ఇప్పుడు సోషల్ మీడియాలో వైరల్ గా మారాయి. ప్రేమ విషయం ఓకే మరి పెళ్లి ఎప్పుడు అంటూ నెటిజన్స్ క్వశ్చన్స్ వేస్తున్నారు. మరి తాప్సీ పెళ్లి కబురు ఎప్పుడు చెబుతుందో చూడాలి మరి.
Fast Food: ఇటీవల కాలంలో చిన్న పిల్లలు ఎక్కువగా ఫాస్ట్ ఫుడ్ తినడానికి ఇష్టపడుతుంటారు. బయటకు వెళ్తే పిజ్జా, బర్గర్,…
Tuesday Auspiciousness: మన హిందూ సంప్రదాయాల ప్రకారం ఏదైనా కొత్త పనులను ప్రారంభించాలి అంటే సరైన వారం, తేదీ, తిథి…
Politics: రెండు వేర్వేరు రాష్ట్రాలు.. ఇద్దరు భిన్నమైన నేతలు. కానీ, ప్రస్తుతం వారు అనుసరిస్తున్న రాజకీయ వ్యూహం మాత్రం 'సేమ్…
Tollywood: సమంత ప్రధాన పాత్రలో నటించిన లేటెస్ట్ లేడీ ఓరియెంటెడ్ మూవీ 'మా ఇంటి బంగారం' థియేటర్లలోకి వచ్చి రావడం…
AP POLITICS: ఉత్తరాంధ్ర రాజకీయాల్లో సీనియర్ నేత, మాజీ మంత్రి అవంతి శ్రీనివాస్ తదుపరి అడుగు ఎటువైపు అనే చర్చ…
Banyan Leaves: మన హిందూ సంప్రదాయాల ప్రకారం కొన్ని వృక్షాలకు ఎంతో ప్రాధాన్యతను ఇస్తారు అలాంటి వాటిలో మర్రిచెట్టు కూడా…
This website uses cookies.