Sreeleela : దూకుడు కాస్త తగ్గకపోతే కెరీర్ ఢమాల్..

Sreeleela : కుర్రభామ శ్రీలీల మాంచి దూకుడు మీద ఉంది. ఎడాపెడా వరుసబెట్టి సినిమాలకి సైన్ చేస్తోంది. పెళ్లి సందడి సినిమాతో పరిచయమైన ఈ బ్యూటీ ధమాకా సినిమాతో మంచి కమర్షియల్ హిట్ అందుకుంది. దీంతో ఇప్పుడు శ్రీలీల కమర్షియల్ హీరోయిన్‌గా మారిపోయింది. పెద్ద స్టార్ కాస్టింగ్ ఉన్న భారీ చిత్రాల్లో చకచకా అవకాశాలను అందుకుంటోంది. నిజంగా శ్రీలీలకి ఈ ప్రాజెక్ట్స్‌లో ఛాన్స్ దక్కుతుందని ఎవరూ ఊహించరు.

ధమాకా లాంటి మాసివ్ హిట్ తర్వాత సూపర్ స్టార్ మహేష్, త్రివిక్రమ్ శ్రీనివాస్ కాంబోలో తెరకెక్కుతున్న సినిమాలో సెకండ్ హీరోయిన్ గా సందడి చేయబోతోంది. దీంతో పాటు బాలయ్య సినిమాలో కీలకమైన పాత్రలో నటిస్తుంది. అలాగే, పవర్ స్టార్ పవన్ కళ్యాణ్ హీరోగా నటిస్తున్న ఉస్తాద్ భగత్ సింగ్ చిత్రంలో నటిస్తోంది. ఇందులో మరో హీరోయిన్ కూడా నటిస్తోంది.

Sreeleela : వచ్చిన స్టార్ డం మొత్తాన్ని పోగొట్టుకుంటుందా..?

వీటితో పాటు పవన్ కళ్యాణ్, సాయి ధరమ్ తేజ్ హీరోలుగా నటిస్తున్న మరో సినిమాలో హీరోయిన్‌గా సైన్ చేసింది. ఇప్పటికే ఈ సినిమా షూటింగ్ కూడా మొదలై శరవేగంగా చిత్రీకరణ జరుపుకుంటోంది. ఇలా భారీ చిత్రాలే కాకుండా యంగ్ హీరోల సరసన కూడా హీరోయిన్‌గా అలరించబోతోంది. ఇంతవరకూ బాగానే ఉన్నా..శ్రీలీల కొన్ని సినిమాలను అనవసరంగా ఒప్పుకొని తనకు వచ్చిన స్టార్ డం మొత్తాన్ని పోగొట్టుకుంటుందా..? అని మాట్లాడుకుంటున్నారు.

త్రివిక్రమ్ శ్రీనివాస్ దర్శకత్వం వహించే సినిమాలలో సెకండ్ హీరోయిన్‌ను ఎవరూ పట్టించుకోరు. కాబట్టి ఆ సినిమా అనవసరంగా కమిటైందని మాట్లాడుకుంటున్నారు. అలాగే బాలయ్య సినిమా కూడా. మంచి ఏజ్ ఉంది..టాలెంట్ ఉంది. సక్సెస్‌లు వస్తున్నాయి. ఇలాంటి సయమలోనే ఆలోచించి కేవలం యంగ్ హీరోల సినిమాలను ఒప్పుకుంటే లాంగ్ టైం కెరీర్ ఉంటుంది. కానీ, శ్రీలీల అలా చేయడం లేదు. దూకుడుగా సినిమాలను కమిటవుతోంది. అదే అమ్మడి కెరీర్‌ని ఇబ్బందుల్లో పడేస్తుందేమో అని సందేహాలను వ్యక్తం చేస్తున్నాయి సిని వర్గాలు.