Pushpa 2 : ‘ఫుష్ప 2’ లో మెగాస్టార్ చిరంజీవి నటిస్తున్నట్టుగా తెలుస్తోంది. సుకుమార్, అల్లు అర్జున్ కాంబినేషన్లో వచ్చిన పుష్ప, పాన్ ఇండియా స్థాయిలో ఎలాంటి సక్సెస్ అందుకుందో అందరికీ తెలిసిందే. వెబ్ సిరీస్ నుంచి సినిమాగా మారిన ఈ కథ, ఆ తర్వాత రెండు భాగాలుగా తీయాలని మేకర్స్ నిర్ణయించుకున్నారు. మొదటి భాగం తెలుగుతో పాటు తమిళం, కన్నడ, మలయాళం, హిందీ భాషలలో భారీ వసూళ్ళను రాబట్టిన సంగతి తెలిసిందే. ఆ తర్వాత సుక్కూ.. ఈ సినిమా సీక్వెల్ కథను పక్కాగా రెడీ చేసి షూటింగ్ మొదలు పెట్టాడు.
తాజాగా పుష్ప సినిమాలోని పర్ఫార్మెన్స్ కి అల్లు అర్జున్ ఉత్తమ నటుడుగా జాతీయ పురష్కారాన్ని అందుకున్నారు. ఈ సందర్భంగా మెగాస్టార్ చిరంజీవి బన్నీని సతీ సమేతంగా అభినందించారు. అయితే, అల్లు అర్జున్ గతంలో చిరంజీవి నటించిన డాడీ సినిమాలో మొదటిసారి సిల్వర్ స్క్రీన్ మీద కనిపించి అలరించారు. ఆ తర్వాత గంగోత్రి సినిమాతో హీరోగా మారారు. సుకుమార్ దర్శకుడిగా మారి తెరకెక్కించిన ‘ఆర్య’ ఓ సెన్షేషనల్ హిట్. ఆ తర్వాత వీరి కాంబోలో ఆర్య 2, పుష్ప వచ్చాయి. ఇప్పుడు పాన్ ఇండియా లెవల్లో పుష్ప 2 చిత్రాన్ని మైత్రీ మూవీ మేకర్స్ ఎంతో ప్రతిష్ఠాత్మకంగా రూపొందిస్తున్నారు.
అయితే, తాజా సమాచారం ప్రకారం మెగాస్టార్ చిరంజీవి పుష్ప 2 సినిమాలో కీలకమైన పాత్రను పోషించబోతున్నట్టుగా తెలుస్తోంది. చిరు-బన్నీ కలిసి కనిపించే సన్నివేశాలు అద్భుతంగా ఉండబోతున్నాయని టాక్ వినిపిస్తోంది. ఓ ప్రముఖ నటుడు చేయాల్సిన పాత్రను చిరు కోరగానే సుక్కూ ఆ పాత్రను చేయించాలని డిసైడయ్యారట. ఇంతకముందు చిరంజీవి నటించిన శంకర్ దాదా MBBS, శంకర్ దాదా జిందాబాద్ వంటి చిత్రాలలో మెగా హీరోలు అలా కనిపించి సందడి చేశారు. రామ్ చరణ్ నటించిన మగధీర సినిమాలోనూ చిరు ఓ పాటలో అలరించిన సంగతి తెలిసిందే. ఆచార్య సినిమాలో చిరు, చరణ్ కలిసి నటించారు.
ఈ సినిమా ఫలితం ఎలా ఉన్నా మెగా అభిమానులు మాత్రం బాగా ఎంజాయ్ చేశారు. ఇప్పుడు అల్లు అర్జున్ నటిస్తున్న పుష్ప 2 లో మెగాస్టార్ నటించబోతున్నారంటే ఖచ్చితంగా అటు మెగా అభిమానులకి, ఇటు అల్లు ఫ్యాన్స్ కి మంచి ట్రీట్ అనుకోవచ్చు. ఇదే నిజమైతే ఇండియన్ బాక్సాఫీస్ వద్ద మాత్రమే కాకుండా అమెరికా లాంటి దేశాలలోనూ బాక్సాఫీస్ వద్ద రచ్చ మామూలుగా ఉండదు. మరి మేకర్స్ ఈ విషయానికి సంబంధించిన అఫీషియల్ అనౌన్స్మెంట్ ఎప్పుడిస్తారో చూడాలి. కాగా, ఈ సినిమాకి సంగీతం దేవిశ్రీప్రసాద్. రష్మిక మందన్న హీరోయిన్గా నటిస్తోంది.
TTD: తిరుమల తిరుపతి దేవస్థానానికి పెద్ద ఎత్తున విరాళాలను భక్తులు అందజేస్తూ ఉంటారు. ఇలా స్వామివారికి వచ్చే విరాళాల ద్వారా…
Mangoes: మామిడి పండ్లు అంటే ఇష్టపడని వాళ్ళు ఎవరుంటారు చెప్పండి. ఏడాదికి ఒక్కసారి మాత్రమే లభించే ఈ మామిడి పండ్లను…
Tirumala Tirupati: తిరుమల తిరుపతి వెంకటేశ్వర స్వామి దర్శనార్థం ప్రతిరోజు కోట్లాదిమంది భక్తులు స్వామి వారిని దర్శనం చేసుకుంటూ ఉంటారు…
TDP PARTY: ఆంధ్రప్రదేశ్ రాజకీయాల్లో రాజ్యసభ స్థానాల భర్తీ ప్రక్రియ ఒక్కసారిగా హీట్ పెంచింది. కూటమి తరఫున అభ్యర్థుల ఎంపికపై…
Politics: గడిచిన 12 ఏళ్లుగా దేశ రాజకీయాల్లో తిరుగులేని శక్తిగా దూసుకుపోతోంది ప్రధాని నరేంద్ర మోదీ నేతృత్వంలోని కేంద్ర ప్రభుత్వం.…
AP POLITICS: ఆంధ్రప్రదేశ్ రాజకీయాల్లో ఇప్పుడు అందరి కళ్లూ రాజ్యసభ స్థానాల పైనే ఉన్నాయి. రాష్ట్రం నుంచి ఖాళీ అయిన…
This website uses cookies.