Papaya: బొప్పాయి తింటే వారానికి రెండు కిలోలు తగ్గుతారా… నిపుణులు ఏమంటున్నారంటే?

Papaya: ప్రస్తుత కాలంలో మన ఆహారపు అలవాట్లు పూర్తిగా మారిపోయాయి పోషక విలువలతో కూడిన ఆహార పదార్థాలు తినడానికన్నా రుచిగా ఉండే ఆహార పదార్థాలను తినడానికి ఆసక్తి చూపుతున్నారు. ఈ క్రమంలోని రోడ్డు సైడ్ దొరికే ఫాస్ట్ ఫుడ్ జంక్ ఫుడ్ తినడానికి చాలామంది ఆసక్తి కనబరుస్తున్నారు. అయితే ఇలాంటి ఫుడ్ తీసుకోవడం వల్ల అతి చిన్న వయసులోనే అధిక శరీర బరువు పెరిగి ఎంతో మంది ఇబ్బంది పడుతున్నారు. అయితే ఈ శరీర బరువు తగ్గడానికి కొంతమంది డైట్ ఫాలో అవుతూ ఉంటారు.

ఈ విధంగా శరీర బరువు తగ్గాలనుకునేవారు వారి డైట్లో భాగంగా బొప్పాయిను చేర్చడం వల్ల వారానికి రెండు కిలోల వరకు బరువు తగ్గుతారని చెబుతున్నారు. మరి నిజంగానే బొప్పాయి తీసుకోవడం వల్ల వారానికి రెండు కిలోల బరువు తగ్గుతారా నిపుణులు ఏమంటున్నారు అనే విషయానికి వస్తే…డైటీషియన్ సువిధి జైన్ ఈ విషయం గురించి మాట్లాడుతూ బొప్పాయి పండు ఎంతో పోషక విలువలతో కూడుకున్నదని తెలిపారు.

ఇందులో కేలరీలు తక్కువగా ఉండటమే కాకుండా విటమిన్ ఎ, సి, ఇ వంటి అవసరమైన పోషకాలు పుష్కలంగా ఉన్నాయని జైన్ చెప్పారు. బొప్పాయిని మీ ఆహారంలో చేర్చుకోవడం వల్ల మీరు తక్కువ కేలరీలతో సంతృప్తి పొందవచ్చు ఇందులో కేలరీలు తక్కువగాను ఫైబర్ అధికంగా ఉండటం వల్ల శరీర బరువు తగ్గడానికి దోహదం చేస్తుంది. అయితే వారానికి రెండు కిలోలు బరువు తగ్గతారనే విషయం అవాస్తవమే అయినప్పటికీ శరీర బరువు తగ్గుతారు అన్నది మాత్రం నిజం అయితే మన డైట్ లో భాగంగా బొప్పాయి తీసుకోవడం వల్ల ఏ విధమైనటువంటి సైడ్ ఎఫెక్ట్స్ కూడా ఉండవు దీని ద్వారా ఎన్నో ఆరోగ్య ప్రయోజనాలను పొందవచ్చు.