Mega 157: మెగాస్టార్ చిరంజీవి, అనిల్ రావిపూడి కాంబినేషన్‌లో వస్తున్న “మెగా 157” మూవీ ప్రస్తుతం హాట్ టాపిక్‌గా మారింది. ఈ చిత్ర షూటింగ్ సెట్స్ నుంచి ఒక వీడియో సోషల్ మీడియాలో లీకై, నెట్టింట్లో వైరల్ గా మారింది. ఈ వీడియోలో చిరంజీవితో పాటు బుల్లిరాజు కూడా కనిపించాడు. ఇద్దరి మధ్య చిలిపి రొమాన్స్‌లా కనిపించే ముద్దు సన్నివేశం నెటిజన్లకు విపరీతంగా నచ్చుతోంది.

ఈ సినిమాలో చిరంజీవి లుక్ చూసి అభిమానులు పులకించిపోతున్నారు. స్టైలిష్ అవతారంలో మెగాస్టార్ దర్శనమివ్వగా, ఆయన కామెడీ టైమింగ్ మరోసారి వింటేజ్ చిరును గుర్తు చేస్తోంది. గ్యాంగ్ లీడర్, ఘరానా మొగుడు సినిమాల్లో చూపిన కామెడీ శైలిని తిరిగి తెరపై చూపించేందుకు అనిల్ రావిపూడి రెడీ అయ్యారు. ఇప్పటికే విడుదలైన లీక్ వీడియో చూస్తే చిరుతోపాటు బుల్లిరాజు స్క్రీన్‌పై మంచి కామెడీ రచ్చ చేయబోతున్నట్టు స్పష్టమవుతోంది.

2026 సంక్రాంతి టార్గెట్‌తో అనిల్ రావిపూడి ఈ ప్రాజెక్ట్‌ను భారీగా ప్లాన్ చేస్తున్నారు. రెండు షెడ్యూల్స్ ఇప్పటికే పూర్తయ్యాయి. చిరంజీవి కూడా అనిల్ స్పీడ్‌కు తగినట్లుగా షూటింగ్‌లో చురుగ్గా పాల్గొంటున్నారు. సినిమా టోటల్‌గా ఫ్యామిలీ ఆడియెన్స్‌ను ఆకట్టుకునేలా ఉండబోతుందట. “సంక్రాంతికి వస్తున్నాం” ఫ్లేవర్‌తో ఈ మూవీ సాగుతుందని సమాచారం.

Mega 157: చిరుతో అనిల్ రావిపూడి భారీ హిట్

బుల్లిరాజు పేరు ఇప్పుడు చిన్నపిల్లల నుంచి పెద్దలవరకూ మంచి గుర్తింపు పొందింది. ఆవిడే బుల్లి మురారి.. ఇప్పుడు చిరుతో స్క్రీన్ షేర్ చేసుకోవడం మరింత హైప్ క్రియేట్ చేస్తోంది. ప్రస్తుతం పది కంటే ఎక్కువ ప్రాజెక్టుల్లో బిజీగా ఉన్న బుల్లిరాజును డేట్ అడగడమే కష్టంగా మారిందని అనిల్ రావిపూడి సరదాగా చెప్పారు కూడా!

ఈ సినిమా ద్వారా చిరుతో అనిల్ రావిపూడి భారీ హిట్ కొట్టాలని భావిస్తున్నారు. వెంకీమామతో మూడు వందల కోట్ల కలెక్షన్లను అందుకున్న అనిల్, ఈసారి చిరుతో ఐదు వందల కోట్ల లక్ష్యాన్ని సాధించాలని చూస్తున్నారని టాలీవుడ్ వర్గాలు చెబుతున్నాయి.

లీకైన వీడియోతోనే సోషల్ మీడియాలో ఇంత హైప్ అయితే, సినిమా టీజర్, ట్రైలర్ వచ్చాక ఇంకెంత హంగామా ఉంటుందో ఊహించుకోవచ్చు. మొత్తంగా చెప్పాలంటే, “మెగా 157” చిరు ఫ్యాన్స్‌కు మాత్రమే కాదు, తెలుగు ప్రేక్షకులందరికీ పండుగలా ఉండబోతుంది!