Health Tips: వేసవి కాలం వచ్చేసింది. ఎండలు మండిపోతున్నాయి. వేసవికాలంలో అధిక ఉష్ణోగ్రతల వల్ల అనేక ఆరోగ్య సమస్యలు తలెత్తుతాయి. ముఖ్యంగా వేసవికాలంలో అధిక ఉష్ణోగ్రతల వల్ల శరీరం డీహైడ్రేట్ అయ్యి వడదెబ్బకు గురువుతుంటారు. అయితే వేసవిలో డీహైడ్రేషషన్, ఇతర అనారోగ్యాల కారణంగా చాలా మందిలో మూత్రం రంగు మారుతూ ఉంటుంది. సాధారణంగా శరీరంలో వాటర్ లెవల్స్ బట్టి మూత్రం రంగు ఆధారపడి ఉంటుంది. మూత్రం రంగు మారడం కొన్ని అనారోగ్య సమస్యలను తెలిపే సంకేతం. అసలు మూత్రం ఏయే రంగుల్లో కనిపిస్తుంది, ఏ రంగు ఎలాంటి వ్యాధికి సంకేతం అనే వివరాలు గురించి ఇప్పుడు తెలుసుకుందాం.

సాధారణంగా శరీరంలో హైడ్రేషన్ లెవెల్స్ సరిగ్గా ఉంటే, మూత్రం రంగు లేత పసుపు, క్లియర్ కలర్‌లో ఉంటుంది. అయితే శరీరం డీహైడ్రేషన్‌కు గురైనప్పుడు మూత్రం ముదురు కాషాయం రంగులోకి యూరిన్ మారుతుంది. అంతే కాకుండా వాసనలో కూడా మార్పులు చోటుచేసుకుంటాయి. అయితే మూత్రం రంగు మారటానికి అనేక కారణాలు ఉంటాయి. డిహైడ్రేషన్, టైప్ 2 డయాబెటిస్, యూరినరీ ట్రాక్ ఇన్ఫెక్షన్, వల్ల మూత్రం రంగులో మార్పులు చోటు చేసుకుంటాయి. కొన్ని సందర్భాలలో మూత్రంలో రక్తం చీము కూడా వచ్చే అవకాశాలు ఉంటాయి.

Health Tips: మూత్రం ఏ రంగులో ఉంటే ఏ ఆరోగ్య సమస్యకు సంకేతమో ఇప్పుడు తెలుసుకుందాం.

• బ్లూ, గ్రీన్ కలర్ : మూత్రం బ్లూ, గ్రీన్ రంగుల్లో కనిపిస్తే, తినే ఆహారంలో మిథైలిన్ బ్లూ కలిసి ఉండటమే అందుకు కారణం. అంతే కాకుండా కొన్ని సందర్భాలలో బ్యాక్టీరియల్ ఇన్ఫెక్షన్ వల్ల కూడా మూత్రం నీలం, ఆకుపచ్చ లేదా ఊదా రంగులోకి మారే అవకాశం ఉంటుంది.

* ఆరెంజ్ కలర్ : మూత్రం ఆరెంజ్ కలర్‌లో ఉంటే, తీవ్రమైన డీహైడ్రేషన్‌ బారిన పడినట్లు గుర్తించాలి. అంతే కాకుండా కొన్ని సందర్భాలలో రక్తప్రవాహంలో పిత్తం చేరడం వల్ల కూడా మూత్రం ముదురు నారింజ రంగులో ఉంటుంది. అలాగే పెద్దలకు వచ్చే కామెర్లు కూడా మూత్రం నారింజ రంగులోకి మారుతుంది.