Dates: సాధారణంగా మనం ఆరోగ్యాన్ని కాపాడుకోవడం కోసం ఎన్నో ప్రయత్నాలు చేస్తూ ఉంటాము అయితే ఈ ఆరోగ్య విషయంలో జాగ్రత్తలు తీసుకునేవారు వారి ఆహారంలో భాగంగా ప్రతిరోజు రెండు ఖర్జూరాలను తీసుకోవడం ఎంతో ముఖ్యమని నిపుణులు చెబుతున్నారు. ఈ రెండు ఖర్జూరాలను మనం తీసుకోవటం వల్ల ఎన్నో రకాల ఆరోగ్య ప్రయోజనాలను మనం మన సొంతం చేసుకోవచ్చు. మరి ప్రతిరోజు ఆహారంలో భాగంగా ఖర్జూరాలను తినడం వల్ల కలిగే ఆరోగ్య ప్రయోజనాలు ఏంటి అనే విషయానికి వస్తే…

ఖర్జూరంలో యాంటీ ఆక్సిడెంట్లు పుష్కలంగా లభిస్తాయి. ఒక అధ్యయనం ప్రకారం, ఖర్జూరంలో సెలీనియం, క్యాల్షియం, పొటాషియం, ఫాస్ఫరస్‌, కాపర్‌, మెగ్నీషియంతో సహా 15 మినరల్స్‌ ఉన్నాయి. ఇవి క్యాన్సర్‌ కణాలతో పోరాడే శక్తిని పెంపొందింప చేసుకుంటాయి ఇలా ఇందులో ఎన్నో పోషక విలువలు ఉండడంతో గుండె ఆరోగ్యాన్ని పెంపొందించడంలో కూడా కీలక పాత్ర పోషిస్తాయి. ఇలా ప్రతిరోజు రెండు ఖర్జూరాలు తినడం వల్ల మలబద్ధకం, జీవక్రియ, అధిక బరువు మొదలైన సమస్యలు దరిచేరవు.

ఖర్జూరాలలో ఐరన్, ఫోలేట్, ప్రొటీన్, ఫైబర్, కాల్షియం, మెగ్నీషియం, విటమిన్ బి6 వంటి పోషకాలు ఇందులో పుష్కలంగా ఉంటాయి. దీంతో అనేక రకాల వ్యాధులు నయమవుతాయి. ఇలా ఆరోగ్యానికి మంచిది కదా అని ఖర్జూరాలను రోజుకు అధిక మొత్తంలో తీసుకోకూడదు కేవలం రెండు తీసుకోవడం వల్ల ఈ ప్రయోజనాలన్నింటిని పొందవచ్చు అయితే పరిగడుపున ఈ ఖర్జూరాలను తినకూడదు. కాళీ కడుపుతో వీటిని తినడం వల్ల ఇందులో ఉన్నటువంటి ఫ్రక్టోజ్ కడుపు నొప్పిని కలిగించే అవకాశాలు ఉంటాయి కనుక ఖాళీ కడుపుతో తినకూడదు.