Hair Fall: వర్షాకాలం మొదలవడంతో ఎన్నో రకాల జబ్బులు కూడా వెంటాడుతూ ఉంటాయి. అయితే వర్షాకాలంలోనే చాలామంది జుట్టు రాలే సమస్యతో బాధపడుతూ ఉంటారు. వేసవికాలంలో అయితే అధిక చమట డాండ్రఫ్ కారణంగా అధికంగా జుట్టు రాలిపోతుంది కానీ వర్షాకాలంలో కూడా చాలామందిని ఇదే సమస్య వెంటాడుతూ ఉంది. ఇలా వర్షాకాలంలో కూడా జుట్టు రాలడానికి కారణం ఏంటి అనే విషయాన్న వస్తే..వర్షం పడుతున్నప్పుడు చాలామందికి వర్షంలో తడవడం ఇష్టంగా ఉంటుంది. ఇలా వర్షంలో తడవడం వల్ల జుట్టు రాలిపోతుందని నిపుణులు చెబుతున్నారు.

వర్షంలో తడవడం వల్ల జుట్టు రాలిపోతుంది అంటే వర్షపు నీరు కారణం కాదు. వర్షంలో తడిసిన తర్వాత జుట్టును సరిగా ఆరబెట్టకపోవడం వల్ల అసలు సమస్య మొదలవుతుందని నిపుణులు చెబుతున్నారు. వర్షాకాలంలో గాలిలో తేమ శాతం ఎక్కువగా ఉంటుంది. ఈ సమయంలోనే మన జుట్టును సరిగా ఆరనివ్వకపోతే దుమ్ము ధూళికణాలు మన తలపై పేరుకుపోయి చుండ్రు ఏర్పడటానికి కారణం అవుతుంది. తద్వారా తల చర్మ ఆరోగ్యం పూర్తిగా దెబ్బతిని జుట్టు కుదుళ్ళు బలహీన పడటం వల్ల జుట్టు అధికంగా రాలిపోతుంది. పట్టణాలలో పడే వర్షంలో ఆమ్లస్వభావం కాస్త ఎక్కువగా ఉంటుంది.

Hair Fall: ఫంగల్ ఇన్ఫెక్షన్ అయ్యే అవకాశం..

ఇలాంటి నీరు తల చర్మంపై ఎక్కువసేపు ఉంటే తల చర్మం pH సమతుల్యత దెబ్బతినవచ్చు. దురద, చుండ్రు సమస్యలు, ఫంగల్ ఇన్ఫెక్షన్ వంటివి ఎక్కువగా సోకే అవకాశాలు ఉంటాయి. ఇకపై జుట్టు రాలే సమస్య ఉండకూడదు అంటే వర్షంలో తడిసినప్పటికీ జుట్టును శుభ్రంగా ఆరబెట్టుకోవాలి. తక్కువ గాఢత కలిగిన షాంపుతో స్నానం చేయడం, జుట్టుకు కండీషనర్ వాడటం వల్ల జుట్టు బలహీన పడకుండా ఉంటుంది. వర్షాకాలంలో బయటకు వెళ్లేటప్పుడు తప్పనిసరిగా గొడుగు లేదా రైన్ కోట్ వంటి వాటిని ఉపయోగించడం మంచిది. వర్షంలో తడిసి వచ్చిన తర్వాత పొరపాటున కూడా టవల్ తో జుట్టును బిగుతుగా కట్టి ఆరనివ్వకూడదు. వీలైనంతవరకు స్నానం చేసి జుట్టును శుభ్రంగా ఆరబెట్టుకోవడం వల్ల జుట్టు రాలే సమస్య నుంచి బయటపడవచ్చు.