Vastu Tips: సొంత ఇంటి కల నిజమైందా… గృహ ప్రవేశ సమయంలో ఈ తప్పులు అస్సలు చేయవద్దు?

Vastu Tips: సొంత ఇల్లు కట్టుకోవాలని ప్రతి ఒక్కరు కూడా కోరుకుంటారు. ఈ క్రమంలోనే ఎంతో కష్టపడి తమ సొంత ఇంటికాలను నెరవేర్చుకుంటూ ఉంటారు. సొంత ఇంటి కల నిజమైన సమయంలో ప్రతి ఒక్కరు కూడా గృహప్రవేశం ఎంతో ఘనంగా చేస్తూ ఉంటారు అయితే గృహప్రవేశం చేసే సమయంలో చాలా మంది తెలిసి తెలియక తప్పులు చేస్తూ ఉంటారు. ఇలా తప్పు చేయటం వల్ల పెద్ద ఎత్తున నష్టాలు వస్తూ ఉంటాయి అందుకే గృహప్రవేశ సమయంలో ప్రతి ఒక్కటి కూడా శాస్త్రం ప్రకారం జరగాలని చెబుతుంటారు.

గృహప్రవేశ సమయంలో మరి ఏ విధమైనటువంటి నియమాలు పాటించాలి ఎలాంటి తప్పులు చేయకూడదనే విషయానికి వస్తే ముందుగా గృహప్రవేశం చేయడానికి ఎంతో అనుకూలమైనటువంటి మాసాలలో మాఘ, ఫాల్గుణ, జ్యేష్ఠ , వైశాఖ మాసాలు గృహ ప్రవేశానికి చాలా శుభప్రదమైనవిగా భావిస్తారు. అటువంటి పరిస్థితిలో వీలైతే గృహ ప్రవేశం కోసం ఈ తెలుగు నెలల్లో శుభ ముహర్తలను ఎంచుకోవాలి.. ఏదైనా మాసంలోని విదియ, తదియ, పంచమి, సప్తమి, దశమి, ఏకాదశి, ద్వాదశి, త్రయోదశి తిథులు శుక్లపక్షంలో గృహ ప్రవేశానికి మంచిది.

కొత్త ఇంట్లోకి చేరే సమయంలో తప్పనిసరిగా నక్షత్రం తిథి వారం వంటివి తప్పనిసరిగా చూసుకోవాలి. అందుకే పండితులను కలిసి వారి చేత ముహూర్తం పెట్టించుకుని పూజా కార్యక్రమాలు గృహప్రవేశం చేయాలి అయితే గృహప్రవేశం చేసే సమయంలో ముందుగా ఆవుని ఇంటిలోకి తీసుకువెళ్లాలి అనంతరం యజమాని ఇంట్లోకి అడుగు పెట్టాలి. ఇక వివాహమైన వారు కొత్త ఇంట్లోకి అడుగుపెట్టే సమయంలో తప్పనిసరిగా జంటగా అడుగు పెట్టాల్సి ఉంటుంది ఒంటరిగా గృహప్రవేశం చేయకూడదు అలాగే గృహప్రవేశం చేసిన రోజు రాత్రి ఆ ఇంట్లోనే పడుకోవాలి అదేవిధంగా 40 రోజులపాటు ఇంటిని కాళీగా ఉంచకూడదు. ఆ ఇంట్లో 40 రోజులపాటు ఉండటం మంచిదని పండితులు చెబుతున్నారు.