Vinayaka Chavithi: మన హిందువులు జరుపుకునే పండుగలు వినాయక చవితి పండుగ కూడా ఒకటి. ఈ ఏడాది ఈ పండుగను సెప్టెంబర్ 7వ తేదీ ఎంతో ఘనంగా జరుపుకుంటున్నారు. ఇప్పటికే పెద్ద ఎత్తున ఊరువాడ వినాయక విగ్రహాలను ఏర్పాటు చేసుకొని పూజిస్తూ ఉన్నారు. అయితే వినాయక చవితి పండుగ రోజు విగ్నేశ్వరుడికి ఎంతో ఇష్టమైన పువ్వులు పండ్లను సమర్పించి పూజించాలి అనంతరం స్వామి వారికి ఇష్టమైన నైవేద్యాలను సమర్పించడం వల్ల గణేశుడి అనుగ్రహం మన పైనే ఉంటుంది.

వినాయక చవితి రోజు ముఖ్యంగా కొన్ని పనులను చేయటం ఎంతో మంచిది అలాగే వినాయకుడికి పూజ చేసే సమయంలో ఏ రంగు దుస్తులను ధరించడం మంచిదనే విషయాల పట్ల చాలా మంది సందేహాలను వ్యక్తం చేస్తూ ఉంటారు. మరి వినాయక చవితి రోజున ఎరుపు రంగు దుస్తులను ధరించడం ఎంతో మంచిది. అయితే వినాయక చవితి పండుగ శనివారం వచ్చిన నేపథ్యంలో శనీశ్వరుడికి ఎంతో ఇష్టమైన నీలి రంగు దుస్తులను ధరించడం మంచిది.

వినాయక చవితి పండుగ రోజు వినాయకుడికి ఎంతో ఇష్టమైనవి ఉండ్రాళ్లు. ఏ నైవేద్యం పెట్టినా పెట్టకపోయినా కచ్చితంగా ఉండ్రాళ్లను పెట్టాలి. బొబ్బట్లు కూడా పెడితే మంచిది, మూడు లేదా ఐదు రకాల నైవేద్యాలను తయారుచేసి స్వామివారికి నివేదించాలి.రేపు ఉదయం 11:03 గంటల నుంచి మధ్యాహ్నం 1:30 గంటల మధ్యలో ఎప్పుడైనా పూజ చేసుకోవచ్చు. ఒకవేళ ఉదయం పూజ చేసుకోలేని వారు సాయంత్రం 6:22 గంటల నుంచి రాత్రి 7:30 గంటల మధ్యలో పూజ చేసుకోవచ్చు.