Shani Trayodashi 2026: మన హిందు సాంప్రదాయాలలో అత్యంత పవిత్రమైన రోజుగా పరిగణించే వాటిలో శని త్రయోదశి కూడా ఒకటి. శని దేవుడు అనుగ్రహం కోసం పూజించేవారు శని త్రయోదశి రోజున శనీశ్వరుడిని పూజించడం వల్ల శని అనుగ్రహం కలిగి శని దోషాలు తొలగిపోతాయని భావిస్తారు. అయితే ఈ శని త్రయోదశి శనివారం వస్తే కనుక మరింత మంచి ఫలితాలు ఉంటాయి. నేడు(జూన్ 27) శనివారం త్రయోదశి రావడంతో శనీశ్వరుడికి ఎంతో కీలకమైన రోజుగా పరిగణించబడుతుంది. ఈరోజు శనీశ్వరుడిని భక్తిశ్రద్ధలతో పూజించడం వల్ల శని అనుగ్రహం కలుగుతుంది. అయితే తెలిసి తెలియక శని త్రయోదశి రోజు ఈ పొరపాటు చేస్తే శని ఆగ్రహానికి గురికావాల్సి ఉంటుంది.

శని బాధలు ,ఏలినాటి శని బాధలతో బాధపడేవారికి ఈ రోజు చేసే పూజలు, పరిహారాలు అపారమైన ఫలితాలను ఇస్తాయని నమ్ముతారు.ఈ రోజున శని ప్రభావం ఎక్కువగా ఉన్న వారు అంటే, అష్టమ శని, అర్ధాష్టమని శని, ఏలినాటి శని కాలం నడుస్తున్న వారు శనికి తైలాభిషేకం చేయడం, నవగ్రహాల చుట్టూ ప్రదక్షిణలు చేయడం చేస్తుంటారు. అయితే ఈ రోజున పొరపాటున కూడా ఈ తప్పులు చేయకూడదు. శని త్రయోదశి రోజున పొరపాటున కూడా ఇనుము, ఇనుప వస్తువులను కూడా కొనుగోలు చేయకూడదు. అలాగే నేడు పొరపాటున కూడా నూనె కొనుగోలు చేయకూడదు. ఇలా చేయటం వల్ల ఆర్థిక ఇబ్బందులు కూడా కలుగుతాయి.

Shani Trayodashi 2026: రావి చెట్టు కింద నువ్వుల నూనెతో దీపారాధన..

నేడు శని ఆలయానికి వెళ్ళినప్పుడు నేరుగా శని దేవుడి వైపు చూస్తూ నమస్కరించకూడదు. దానికి బదులుగా శని దేవుడు పాదాల వైపు చూస్తూ నమస్కరించడం వల్ల శుభం కలుగుతుంది . ఇక శని త్రయోదశి రోజు సాత్విక ఆహారం మాత్రమే తీసుకోవాలి. పొరపాటున కూడా మందు, మాంసం, గుడ్లు వంటి వాటికి దూరంగా ఉండాలి. నేడు పొరపాటున కూడా నలుపు రంగు వస్తువులను కొనుగోలు చేయకూడదు అలాగే పేదలకు దానధర్మాలు చేయడం వల్ల శని దేవుడి అనుగ్రహం కలుగుతుంది. ఇక శని త్రయోదశి రోజు సాయంత్రం ఇంటి ప్రధాన గుమ్మం పడమర వైపు చీకటి లేకుండా దీపం వెలిగించడం మంచిది. ఇక నేడు సాయంత్రం రావి చెట్టు కింద నువ్వుల నూనెతో దీపారాధన చేసి ‘ఓం షణ్ శనైశ్చరాయ నమ:’అనే మంత్రాన్ని జపించాలి. ఇలా చేయటం వల్ల శని అనుగ్రహం కలుగుతుంది.