Chiranjeevi: మెగాస్టార్ చిరంజీవి సోషియో ఫాంటసీ అడ్వెంచర్ ‘విశ్వంభర’ కోసం అభిమానులు కళ్లు కాయలు కాచేలా ఎదురుచూస్తున్నారు. షూటింగ్ మొదలై ఏళ్లు గడుస్తున్నా, ఇంకా థియేటర్ల వరకు రాకపోవడంతో సహజంగానే సినిమాపై ఉన్న బజ్ కొద్దిగా తగ్గింది. ఇలాంటి పరిస్థితుల్లో సినిమాను మళ్లీ వార్తల్లోకి తెచ్చి, అంచనాలను ఆకాశానికి తీసుకెళ్లడం చిత్ర యూనిట్కు అత్యంత అవసరం. దీనికోసం చిరంజీవి స్వయంగా రంగంలోకి దిగి భారీ ప్రమోషన్ ప్లాన్స్ సిద్ధం చేయాల్సి ఉంటుంది. అయితే సినిమాను జనాల్లోకి తీసుకెళ్లడంతో పాటు, రిలీజ్ విషయంలో మెగాస్టార్ ముందు ఇప్పుడు ఊహించని సవాళ్లు వచ్చి పడ్డాయి.
ప్రస్తుతం మేకర్స్ కన్ను దసరా పండగ సీజన్పై పడింది. ఎలాగైనా అక్టోబర్ కానుకగా సినిమాను థియేటర్లలోకి దించాలని చూస్తున్నారు. కానీ, అక్కడే అసలు చిక్కు వచ్చి పడింది. అక్టోబర్ మధ్యలో రజనీకాంత్ మోస్ట్ అవేటెడ్ సీక్వెల్ ‘జైలర్ 2’ వస్తున్నట్లు టాక్. ఒకవేళ రజనీతో నేరుగా తలపడితే తెలుగు రాష్ట్రాల్లోనే కాదు, ముఖ్యంగా తమిళనాడు, కేరళ వంటి పక్క రాష్ట్రాలలో ‘విశ్వంభర’కు థియేటర్లు దొరకడం గగనమైపోతుంది. కర్ణాటకలో మేనేజ్ చేసినా, బాక్సాఫీస్ వసూళ్లపై ఆ ప్రభావం గట్టిగానే పడుతుంది. రజనీకాంత్ క్రేజ్, పైగా ‘జైలర్’ మొదటి భాగానికి తెలుగులో వచ్చిన రెస్పాన్స్ చూస్తే.. ఈ క్లాష్ను వదులుకోవడం అంత సురక్షితం కాదు.
సరే రజనీకాంత్తో పోటీ ఎందుకని కాస్త ముందుకు జరిగి అక్టోబర్ మొదటి వారంలో వద్దామనుకుంటే.. అక్కడ విక్టరీ వెంకటేష్ ‘ఆదర్శ కుటుంబం’ సినిమాతో అప్పుడే కర్చీఫ్ వేసి కూర్చున్నారు. గాంధీ జయంతి (అక్టోబర్ 2) వీకెండ్ను వెంకీ లాక్ చేసుకోవడంతో, ఆ సమయానికి రావడం కూడా రిస్కే. ఫ్యామిలీ ఆడియన్స్లో వెంకటేష్కు ఉన్న పట్టు మనకు తెలిసిందే. ఒకవేళ ఆ సినిమాకు పాజిటివ్ టాక్ వస్తే రెండు మూడు వారాల పాటు థియేటర్లను హోల్డ్ చేస్తుంది. అప్పుడు ‘విశ్వంభర’ అద్భుతంగా ఉన్నా కూడా కలెక్షన్లను పంచుకోవాల్సి వస్తుంది. అలాగని అక్టోబర్ చివరకు వెళ్తే దసరా సెలవుల అడ్వాంటేజ్ చేజారిపోతుంది.
ప్రస్తుతానికైతే విజువల్ ఎఫెక్ట్స్ పనులు ముగిసి, అవుట్పుట్ సంతృప్తికరంగా వచ్చినట్లు ఇన్సైడ్ టాక్. ఇక ఆగస్ట్ 22న రాబోయే మెగాస్టార్ బర్త్డే రోజున ‘విశ్వంభర’ విడుదల తేదీపై ఒక పక్కా అఫీషియల్ అనౌన్స్మెంట్ వచ్చే అవకాశాలు ఉన్నాయి. మరి ఈ ముక్కోణపు పోటీని తట్టుకుని మెగాస్టార్ ఎలాంటి వ్యూహంతో ముందుకు వెళ్తారో చూడాలి.
Puranapanda Srinivas: హైదరాబాద్, సికింద్రాబాద్ వంటి జంటనగరాల్లోనే కాకుండా విశాఖపట్నం, విజయవాడ, బళ్ళారి, కాకినాడ, గుంటూరు, కర్నూల్, ఒంగోలు, నెల్లూరు,…
Eating An Apple: ప్రతిరోజు ఒక ఆపిల్ తీసుకోవడం వల్ల మనం డాక్టర్ దగ్గరికి కూడా వెళ్లాల్సిన పనిలేదని చెబుతూ…
Tirumala Hundi: కలియుగ దైవమైన తిరుమల వెంకటేశ్వర స్వామి ఆలయానికి నిత్యం భక్తులు లక్షలాది సంఖ్యలో పోటెత్తున్నారు. నిత్యం స్వామి…
Kidney Health: సాధారణంగా ఉదయం నిద్ర లేవగానే ప్రతి ఒక్కరూ వారికి ఉన్న అలవాట్లను ఫాలో అవుతూ వారి రోజున…
Lord Shiva:సాధారణంగా ప్రతి ఒక్కరు తమ జీవితంలో ఎన్నో రకాల కోరికలను కోరుతూ దేవుళ్లను ప్రార్థిస్తూ ఉంటారు.. తమ జీవితంలో…
Climbing Stairs: సాధారణంగా మనం అవలీలగా రెండు, మూడు అంతస్తులు మెట్లు ఎక్కగలం కానీ ఒక్కోసారి తక్కువ సంఖ్యలో మెట్లు…
This website uses cookies.