Actor Naresh : సీనియర్ నటుడు నరేష్ గురించి ఇంట్రడక్షన్ అవసరం లేదు. అలనాటి నటి దర్శకురాలు విజయనిర్మల కొడుకుగా ఇండస్ట్రీలోకి అడుగుపెట్టి ఇప్పుడు క్యారెక్టర్ పాత్రలను పోషిస్తూ తెలుగు ప్రేక్షకులను ఇప్పటికే అలరిస్తూనే ఉన్నారు. ‘పండంటి కాపురం’ సినిమా తో చైల్డ్ ఆర్టిస్టుగా ఇండస్ట్రీకి ఎంట్రీ ఇచ్చారు. ఆ తరువాత ‘ప్రేమ సంకెళ్లు’ మూవీ తో హీరోగా వెండితెరకు పరిచయం అయ్యాడు. నరేష్ కామిక్ సెన్స్ కి అభిమానులు చాలామంది ఉన్నారు. అందుకే అప్పట్లో ఎన్నో కామెడీ చిత్రాల్లో హీరోగా నటించి తనకంటూ ప్రత్యేక ఇమేజ్ ని సంపాదించుకున్నారు.
ఇప్పటికీ నరేష్ తెలుగు సినిమాల్లో సీరియస్ క్యారెక్టర్లతో పాటు కామెడీ పాత్రల్లోనూ ఇమిడిపోయి నటిస్తున్నారు. ఇండస్ట్రీలో నటుడిగా ఎంత క్రేజ్ సంపాదించుకున్నారో, నరేష్ పర్సనల్ లైఫ్ ద్వారా కూడా అంతే పాపులర్ అయ్యారు. అందుకు కారణం తన పెళ్లిళ్ల వ్యవహారమే. ముఖ్యంగా నరేష్ మూడవ భార్య తో విడాకుల, ఆ తర్వాత పవిత్రతో రిలేషన్ ఇలా రకరకాల కారణాలతో నరేష్ సోషల్ మీడియాలో సెన్సేషనల్ న్యూస్ గా మారారు. ఇదంతా పక్కన పెడితే తాజాగా నరేష్ ఓ ఇంటర్వ్యూలో డైరెక్టర్ సుకుమార్ గురించి ఆసక్తికరమైన విషయాలను పంచుకున్నారు.
ఇంటర్వ్యూలో నటుడు నరేష్ మెథడ్ యాక్టింగ్ గురించి మాట్లాడుతూ..” ఏదైనా మ్యానరిజం తీసుకున్నప్పుడు అది మనకి అలవాటు అయిపోతుంది. ఆ నటన చూసి కొన్ని రోజులకి ప్రేక్షకులకు బోర్ కొడుతుంది. అందుకే నేను అలాంటి వాటికి దూరంగా ఉంటాను. నేను డైరెక్టర్స్ యాక్టర్ ని. జంధ్యాల, బాపు లాంటి దర్శకుల నుంచి మెథడ్ యాక్టింగ్ నేర్చుకున్నాను. అందుకే పాత్రకు ఎంత కావాలో అంతవరకే నటిస్తాను. రామ్ చరణ్ హీరోగా వచ్చినవ్ రంగస్థలం సినిమాలోని ఈ చేతితోనే బువ్వ పెట్టాను పాట కోసం సుకుమార్ నన్ను రోజంతా ఏడవాలి అని చెప్పారు. అలా అనగానే ఎందుకు అని అడిగాను. పాట అలాంటిది అని చెప్పారు సుకుమార్ గారు. అయితే ఓసారి పాట వినిపించమన్నాను. సుకుమార్ ఆ పాట వినిపించారు. ఆ పాట వినగానే ఏడుపొచ్చేసింది. ఈ పాటకు గ్లిజరిన్ అవసరం లేదని చెప్పాను. ఏంటి జోకా అని అడిగితే కాదు సార్ నిజం అని చెప్పాను.”అని నరేష్ తెలిపారు.
capsicum: సిమ్లా మిర్చి, బెంగళూరు మిర్చి అంటూ రకరకాల పేర్లతో పిలిచే క్యాప్సికంను మన రోజు వారి ఆహారంలో తీసుకుంటే…
Vinayaka Chavithi: మన హిందువులు జరుపుకునే పండుగలు వినాయక చవితి పండుగ కూడా ఒకటి. ఈ ఏడాది ఈ పండుగను…
Health care: ప్రస్తుత కాలంలో ప్రతి ఒక్కరు కూడా వారి ఆరోగ్యం పై ఎంతో శ్రద్ధ పెడుతూ ఆరోగ్యాన్ని కాపాడుకోవడానికి…
Ganesh Pooja: ప్రతి ఏడాది వినాయక చవితి పండుగను కుల మతాలకు అతీతంగా ఎంతో ఘనంగా జరుపుకుంటారు. అయితే వినాయక…
Fish: గర్భం దాల్చిన మహిళలు తమ ఆరోగ్యం పై ఎన్నో జాగ్రత్తలు తీసుకోవాల్సిన అవసరం ఉంది ముఖ్యంగా కడుపులో పెరుగుతున్న…
Ganesh Pooja: ప్రతి ఏడాది భాద్రపద మాసంలో వచ్చే చతుర్దశి రోజున వినాయక చవితి వేడుకను ఎంతో ఘనంగా జరుపుకుంటారు.…
This website uses cookies.