Movies: తెలుగు సినిమా స్థాయిని హాలీవుడ్ లెవల్ కి తీసుకెళ్ళిన సినిమాగా ఇప్పుడు ఆర్ఆర్ఆర్ మూవీ ప్రత్యేక గుర్తింపుని సొంతం చేసుకుంది. దర్శక దిగ్గజం రాజమౌళి తెరకెక్కించిన ఆర్ఆర్ఆర్ మూవీ అంతర్జాతీయ చిత్రోత్సవాలలో ప్రదర్శితం కావడంతో హాలీవుడ్ విమర్శకుల ప్రశంసలు కూడా అందుకుంటుంది. అలాగే హాలీవుడ్ లో ప్రముఖ, దర్శకుల మన్ననలు కూడా ఈ మూవీ సొంతం చేసుకుంటుంది. మార్వేల్ సిరీస్ దర్శకుడు కూడా ఆర్ఆర్ఆర్ తన ఫేవరేట్ ఇండియన్ మూవీ అని చెప్పారంటే దాని స్థాయి ఏంటో చెప్పుకోవచ్చు. ఆస్కార్ అవార్డు అందుకోవడానికి అన్ని అర్హతలు ఆర్ఆర్ఆర్ కి ఉన్నాయని అంతర్జాతీయ ఫిల్మ్ క్రిటిక్స్, మ్యాగజైన్స్ కూడా చెబుతున్నాయి.
అయితే ఫిల్మ్ ఫెడరేషన్ ఆఫ్ ఇండియా మాత్రం ఆర్ఆర్ఆర్ సినిమాని ఇండియా నుంచి ఆస్కార్ నామినేషన్ జాబితాలో పరిగణించకుండా ఒక గుజరాతీ మూవీని పంపించింది. అది కూడా ఇంకా రిలీజ్ కాని ఒక ఆర్ట్ మూవీ. అయితే భారీ బడ్జెట్ తో భారీ హంగులతో ఇండియన్ ఫ్రీడమ్ ఫైట్ మూమెంట్ ని తెరపై అద్బుతంగా ఆవిష్కరించిన ఆర్ఆర్ఆర్ సినిమాని ఒక కమర్షియల్ చిత్రంగానే ఫిల్మ్ ఫెడరేషన్ సభ్యులు పరిగణించడం గమనార్హం. అయితే రాజమౌళి మాత్రం ఇండిపెండెంట్ విభాగంలో ఆర్ఆర్ఆర్ సినిమాని ఆస్కార్ నామినేషన్స్ కి పంపించారు. ఈ నేపధ్యంలో ఆస్కార్ ఎంపిక ప్యానల్ సభ్యుల దృష్టిలో ఆర్ఆర్ఆర్ మూవీ పడాలంటే అంతర్జాతీయ చిత్రోత్సావాలలో ఈ మూవీ ప్రదర్శితం కావాల్సిన అవసరం ఉంది.
ఇక తాజాగా హాలీవుడ్ క్రిటిక్ అసోసియేషన్ బెస్ట్ స్పాట్ లైట్ అవార్డుకి ఆర్ఆర్ఆర్ చిత్రం ఎంపికైంది. ఈ అవార్డు అందుకున్న వాటిలో 43 శాతం సినిమాలు ఆస్కార్ అవార్డులని అందుకోవడం విశేషం. ఈ నేపధ్యంలో ఆర్ఆర్ఆర్ సినిమాకి కూడా ఆస్కార్ అవార్డు రావడం పక్కా అనే మాట వినిపిస్తుంది. ఇక బెస్ట్ స్పాట్ లైట్ అవార్డుని వచ్చే ఏడాది ఫిబ్రవరి 23 లాస్ ఏంజెల్స్ లో రాజమౌళి అండ్ టీం అందుకోనుంది. ఇక ఆస్కార్ అవార్డు అందుకునే మార్గానికి ఆర్ఆర్ఆర్ దగ్గర అయ్యిందని సినీ విశ్లేషకులు అంటున్నారు. ఒకవేళ ఇండిపెండెంట్ కేటగిరీలో ఆస్కార్ నామినేషన్స్ కి వెళ్ళిన ఆర్ఆర్ఆర్ అక్కడ కూడా సత్తా చాటితే మాత్రం భవిష్యత్తులో ఇండియా నుంచి ఆస్కార్ ఎంట్రీకి సినిమాలు ఎంపిక చేసే క్రమంలో ఫిల్మ్ ఫెడరేషన్ ఆఫ్ ఇండియా తమ ఆలోచన విధానాన్ని పూర్తిగా మార్చుకుంటుంది అనే మాట వినిపిస్తుంది.
Panipuri: ఇటీవల కాలంలో పానీపూరి తినే వారి సంఖ్య ఎక్కువ అయ్యింది. సాయంత్రమైతే చాలు వీధి చివర బండ్లపై పానీ…
Varalakshmi Vratam 2026: శ్రావణమాసం వచ్చిందంటే చాలు పెద్ద ఎత్తున పూజలు వ్రతాలు చేస్తూ ఉంటారు. ఇక శ్రావణమాసంలో మహిళలు…
Papaya In Mansoon: పండ్లు ఎన్నో రకాల పోషకాలను కలిగి ఉంటాయి అనే సంగతి మనకు తెలిసిందే. ఇలా అనేక…
TTD: కలియుగ దైవమైన తిరుమల వెంకటేశ్వర స్వామి దర్శనార్థం ఎంతోమంది భక్తులు తరలివస్తున్నారు. వేసవి సెలవులు ప్రారంభమైనప్పటి నుంచి ఇప్పటివరకు…
Ginger Tea: చాలామందికి ఉదయం నిద్ర లేవగానే ఒక కప్పు టీ తాగనిదే రోజు గడవదు. ఒక కప్పు టీ…
Shiva Pooja: శివుడిని అభిషేక ప్రియుడు అని పిలుస్తుంటారు ఆయనకు అభిషేకం చేసి కోరికలు కోరితే తప్పకుండా నెరవేరుస్తారని భక్తులు…
This website uses cookies.