Talambralu: పెళ్లిలో తలంబ్రాలు పోయడం వెనుక ఉన్న అసలు కారణం ఏంటో తెలుసా?

Talambralu: పెళ్లి అంటేనే ఎన్నో ఆచార సంప్రదాయాలతో కూడుకున్నదని చెప్పాలి.పెళ్లిలో ఎన్నో ఆచార సాంప్రదాయాలను పాటిస్తూ పెద్ద ఎత్తున ఈ వేడుకను నిర్వహిస్తూ ఉంటారు. అయితే ప్రస్తుత కాలంలో చేసే పెళ్లిళ్లలో మాత్రం కేవలం ఫోటోలు డెకరేషన్లకు అధిక ప్రాధాన్యత ఇవ్వడం పాటించాల్సిన ఆచార సాంప్రదాయాలను పాటించకపోవడం జరుగుతుంది.కానీ ఇప్పటికీ పెళ్లిళ్లలో మాంగల్యధారణ తర్వాత వధూవరులు తలంబ్రాలు పోసుకోవడం మనం చూస్తుంటాము. ఇలా తలంబ్రాలు పోసుకోవడానికి కారణం ఏంటి ఈ ఆచారం ఎందుకు పాటించాలని విషయానికి వస్తే….

 

పెళ్లిలో మాంగల్య ధారణ తర్వాత పురోహితుడు వధూవరుల చేతులను దర్భలతో తుడిచి వారి దోసెలలో పసుపుతో కలిపిన తలంబ్రాలను ఇస్తారు. ఆపై ఆ తలంబ్రాలపై పాలను పోసి ముందుగా వరుడు వధువు తలపై తలంబ్రాలు పోయమని చెబుతారు. మన భాషలో తలంబ్రాలు అంటే అక్షతలు తలంబ్రాలు అంటే తల యందు పోయబడే ప్రాలు అని అర్థం. ఇలా వరుడు వధువు తలపై తలంబ్రాలు పోసే సమయంలో పురోహితుడు వధువు తన వంశాభివృద్ధిని కలిగించాలని శాంతి సంతోషాలతో ఉండాలని మంత్రాలను చదువుతారు.

Talambralu:

ఇక వరుడు వధువు తలపై తలంబ్రాలు పోయడం వెనుక ఉన్న కారణం ఏంటి అనే విషయానికి వస్తే ఓ వధువా… నీవు మా ఇంటికి వచ్చాక మన ఇంట కూడా ధాన్యం ఇలా కుప్పలు తెప్పలుగా విరివిగా ఉండి మన జీవనానికి ఆధార భూతమైన ధాన్యంతో మనం నిత్యం సంపదలను కలిగి ఉండాలని వరుడు చెబుతూ వధువు తలపై తలంబ్రాలు పోస్తారు. ఇలా పెళ్లిలో వధూవరులు తలంబ్రాలు పోసుకోవడం వెనుక ఇంతటి వ్యవహారం ఉందనే చెప్పాలి.