Somavathi Amavasya: మన హిందూ సంప్రదాయాల ప్రకారం వారంలో ప్రతిరోజు ఒక దేవుడికి అంకితం ఇవ్వబడింది. సోమవారం ఆ పరమశివుడికి ఎంతో ప్రీతికరమైన రోజు. సోమవారం శివుడిని పూజించడం వల్ల ఆయన కరుణ కటాక్షాలు మనపై ఉంటాయని భావిస్తారు. అయితే సోమవారం చాలామంది శివాలయాలకు వెళ్లి శివుడిని దర్శనం చేసుకుని ఉంటారు. కొన్ని సందర్భాలలో ఆలయానికి వెళ్ళలేని పరిస్థితులు ఏర్పడతాయి అలాంటి వారు ఇంట్లోనే ఈ విధంగా పూజ చేసుకోవడం వల్ల శివయ్య ఆశీస్సులను పొందుతారు.

ఇక నేడు సోమవారం అమావాస్య రావడంతో శివుడికి ప్రత్యేకంగా పూజలు చేయడం వల్ల శివుడి కరుణ కటాక్షాలు మనపై ఉంటాయి. సోమావతి అమావాస్య రోజున నిద్ర లేవగానే ఇంటిని శుభ్రం చేసే తలస్నానం చేసే శివుడి విగ్రహానికి జలాభిషేకం చేయడం మంచిది. శివుడు అభిషేక ప్రియుడు కావడంతో శుభ్రమైన నీటితో అభిషేకం చేయాలి. అభిషేకం చేసే సమయంలో “ఓం నమశ్శివాయ” అనే మంత్రాన్ని జపించాలి. అనంతరం స్వామివారికి ఎంతో ప్రీతికరమైన బిల్వ దళాలను సమర్పించడం వల్ల శివుని కరుణ కటాక్షాలకు పాత్రులు కాగలం.

Somavathi Amavasya: నైవేద్యంగా పండ్లు,పాలు,బెల్లం..

శివుడికి ఎంతో ఇష్టమైన బిల్వ దళాలు, తెల్లని పుష్పాలతో పూజ చేయలేనంతరం స్వామివారికి నైవేద్యంగా పండ్లు, ఖీర్, బెల్లం, పాలు సమర్పించి కర్పూర హారాలుతులతో స్వామి వారి పూజను పూర్తి చేసుకోవాలి . హారతి అనంతరం శివ స్తోత్రాలు, లింగాష్టకం, శివపంచాక్షరీ స్తోత్రం పఠించడం శుభప్రదంగా భావిస్తారు. ఇలా సోమవతి అమావాస్య రోజు ఆలయానికి వెళ్ళలేని వారు ఈ విధంగా ఇంట్లో శివుడికి అభిషేకం చేసి బిల్వదళాలతో పూజ చేయటం వల్ల శివుడి అనుగ్రహం పొందవచ్చు.