Incense sticks: సువాసన కోసం అగరబత్తులు వెలిగిస్తున్నారా.. ఈ ప్రమాదాలు తప్పవు!

Incense sticks: మన హిందూ సంప్రదాయాల ప్రకారం ప్రతిరోజు ఇంట్లో పూజ చేయడమే కాకుండా అగరబత్తులను వెలిగిస్తూ ఉంటారు. ఇలా ఇంట్లో సువాసన భరితమైన అగరబత్తులను వెలిగించడం వల్ల ఇంట్లో ప్రశాంతకరమైన వాతావరణం ఉంటుందని భావిస్తుంటారు. అలాగే ఇంట్లో పూజ చేసి అగరబత్తి వెలిగించడం వల్ల మన ఇంట్లో ఉన్నటువంటి నెగిటివ్ ఎనర్జీ మొత్తం తొలగిపోయి పాజిటివ్ ఎనర్జీ ఏర్పడుతుందని భావిస్తారు. ఇలా సువాసన కోసం ఇంట్లో సువాసన భరితమైన అగరబత్తిలను వెలిగించడం వల్ల పెద్ద ఎత్తున ప్రమాదాలు వస్తాయని ఆరోగ్య నిపుణులు చెబుతున్నారు.

ఇంట్లో తరచూ అగరబత్తిని వెలిగించడం వల్ల దాని నుంచి వెలువడే పొగ ధూమపానం చేసే వారితో సమానమని ఆరోగ్య నిపుణులు చెబుతున్నారు. ఇంట్లో ఆ పొగను చిన్నపిల్లలు ఇతర కుటుంబ సభ్యులు పీల్చడం వల్ల క్యాన్సర్ ప్రమాదం బారిన పడే అవకాశాలు కూడా ఉన్నాయని ఆరోగ్య నిపుణులు చెబుతున్నారు. అగరబత్తిని వెలిగించడం వల్ల చాలామంది చిన్నపిల్లలు కానీ పెద్దవారు కానీ తుమ్ములు దగ్గు వంటి సమస్యలతో సతమతమవుతూ ఉంటారు.

అగరబత్తి తయారు చేసే క్రమంలో ఎన్నో రకాల రసాయనాలను ఉపయోగిస్తారు అంతేకాకుండా అవి సువాసనను వెదజల్లడం కోసం కలిపే ఈ రసాయనాలు ఎంతో హానికరం. ఇలా రసాయనాలతో తయారుచేసిన అగరబత్తి నుంచి వెలువడే పొగను పీల్చడం వల్ల శ్వాస కోశ సంబంధిత వ్యాధులు రావడమే కాకుండా క్రమక్రమంగా క్యాన్సర్ కి కూడా కారణం అవుతాయి. అగరబత్తీలను వెలిగించడం వల్ల చర్మ సంబంధిత సమస్యలు కూడా వస్తూ ఉంటాయి. కాబట్టి సెన్సిటివ్ స్కిన్‌ ఉన్నవారు.. వీటిని వెలిగించక పోవడమే మంచిది. ఈ పొగ తగిలిన వెంటనే స్కిన్‌పై దురద వస్తుంది. తలనొప్పి, మతి మరుపు కూడా పెరుగుతాయి.