Rashmika Mandanna: ఎయిర్ పోర్టులో రష్మిక బుగ్గ గిల్లి ముద్దు పెట్టేశారు..నెట్టింట ఫొటోలు వైరల్..!

Rashmika Mandanna: పాన్ ఇండియన్ హీరోయిన్ రష్మిక మందన్నకి ఇప్పుడు అంతటా విపరీతమైన ఫ్యాన్ ఫాలోయింగ్ ఉంది. అటు హిందీ, ఇటు తెలుగు, తమిళ సినిమాలు చేస్తూ ఉండటంతో హైదరాబాద్ టు ముబై వయా చెన్నై అంటూ ఫ్లైట్స్‌లో ట్రావెల్ చేస్తుంది. తెలుగులో రష్మిక మందన్న అల్లు అర్జున్ సరసన పుష్ప 2లో హీరోయిన్‌గా నటిస్తోంది. ఈ సినిమా షూటింగ్ కొత్త షెడ్యూల్ త్వరలో మొదలవబోతుంది.

హిందీలో సందీప్ రెడ్డీ వంగా దర్శకత్వంలో యానిమల్ సినిమాను చేస్తుంది. రన్‌బీర్ కపూర్, రష్మిక మందన్న జంటగా నటిస్తున్నారు. తెలుగులో వచ్చిన అర్జున్ రెడ్డి సినిమా కంటే డబుల్ డోస్ ఇందులో ఉంటుందట. ఇంటిమేట్ సీన్స్ ఎక్కువగా ఉంటాయని, రష్మిక స్కిన్ షో ఈ సినిమాకి హైలెట్ అని చెప్పుకుంటున్నారు. ఇప్పటికే ఈ సినిమా నుంచి విడుదలైన ట్రైలర్ యూట్యూబ్‌లో ట్రెండ్ అవుతోంది.

Rashmika Mandanna: రష్మిక మందన్నకి ఎయిర్ పోర్ట్‌లో ఊహించని షాక్

అంతేకాదు, రన్‌బీర్ కపూర్, రష్మిక మందన్నల కిస్సింగ్ పోస్టర్ కూడా వైరల్ అయింది. ప్రస్తుతం మూడు భాషలలో సినిమాలు చేస్తూ బిజీగా ఉన్న రష్మిక ఇటలీలో వరుణ్ తేజ్, లావణ్య త్రిపాఠిల పెళ్లికి హాజరైంది. అయితే, రష్మిక మందన్నకి ఎయిర్ పోర్ట్‌లో ఊహించని షాక్ తగిలింది. సాధారణంగా సెలబ్రిటీలు ఎక్కడ కనిపించినా షేక్ హ్యాండ్ ఇవ్వడానికి ఓ సెల్ఫీ దిగడానికి అభిమానులు ఆరాటపడుతుంటారు.

కానీ, ఓ అమ్మాయి మాత్రం రష్మిక మందన్నని చూడగానే సడన్‌గా వెళ్ళి చేయి పట్టుకుంది. అలా చేయి పట్టుకుందెవరో చూసేలోపే ఆ అమ్మాయి రష్మిక బుగ్గపైన గిల్లి ముద్దు పెట్టింది. కొన్ని క్షణాలలో జరిగిన ఈ సంఘటన రష్మికకి షాకిచ్చింది. కాస్త తేరుకొని ఆనందంలో మునిగితేలిపోయింది. ప్రస్తుతం దీనికి సంబంధించిన ఫొటోలు నెట్టింట వైరల్ అవుతున్నాయి.