Nithya Menen: నటనతో ప్రేక్షకుల మనసులు దోచుకుంటున్న నిత్యా మేనన్, తన కెరీర్ పట్ల ఒక స్పష్టమైన దృక్పధంతో ఉన్నారు: “అవార్డులు, గుర్తింపులు మనలోని నైపుణ్యాన్ని మార్చలేవు.” కాంబినేషన్ల కన్నా కథలకే ప్రాముఖ్యతనిస్తూ, పక్కింటి అమ్మాయిలా ఉండే సహజమైన పాత్రలను ఎంచుకుంటూ ఆమె తనదైన శైలిలో ప్రేక్షకులను ఆకట్టుకుంటున్నారు. ఇటీవల ఆమె విలక్షణ నటుడు విజయ్ సేతుపతితో కలిసి నటించిన ‘తలైవాన్ తలైవి’ చిత్రం శుక్రవారం థియేటర్లలో విడుదల కానుంది. ఈ ఫ్యామిలీ డ్రామాకు పాండిరాజ్ దర్శకత్వం వహించారు. ఈ సందర్భంగా నిత్యా ఒక ఇంటర్వ్యూలో సినిమా విశేషాలతో పాటు, తన జీవన విధానంపై కొన్ని ఆసక్తికర విషయాలను పంచుకున్నారు.
‘తలైవాన్ తలైవి’లో నటించడానికి నిత్యాను ప్రధానంగా ఆకర్షించిన అంశం దర్శకుడు పాండిరాజ్ కథపై కలిగి ఉన్న స్పష్టత. విజయ్ సేతుపతితో కలిసి పనిచేయడం ఒక గొప్ప అనుభూతిని ఇచ్చిందని నిత్యా తెలిపారు. “మేమిద్దరం గతంలో ’19(1)(ఏ)’ అనే మలయాళ చిత్రంలో కలిసి పనిచేశాం, కానీ ఆ సినిమాలో మా మధ్య చెప్పుకోదగ్గ సన్నివేశాలు లేవు. ఇప్పుడు మాత్రం మా కలయిక ప్రేక్షకులను ఖచ్చితంగా ఆకట్టుకుంటుందని నమ్ముతున్నాను. నన్ను ఎవరు కలిసి నటిస్తున్నారు అనే దానికంటే, నేను పోషిస్తున్న పాత్రకు ఎంతవరకు న్యాయం చేయగలుగుతున్నాను అన్నదే ముఖ్యం. అప్పుడే తెరపై మంచి కెమిస్ట్రీని సృష్టించగలుగుతాం,” అని ఆమె తన వృత్తిపరమైన నిబద్ధతను వివరించారు. నటులు అవార్డుల కోసం నటించరని, కేవలం అవార్డులు వచ్చినంత మాత్రాన వారి నైపుణ్యం మారిపోదని నిత్యా గట్టిగా నమ్ముతారు. “అవార్డులు మనల్ని ప్రేక్షకులకు మరింత దగ్గర చేయవచ్చు, కానీ అవి మన నైపుణ్యాన్ని నిర్ణయించలేవు. కొందరికి అవార్డులు అదనపు బాధ్యతగా అనిపించవచ్చు, కానీ నాకు అవి సంతోషాన్ని కలిగించేవిగా ఉండాలి. ప్రస్తుతానికి నేను అదే భావనతో ఉన్నాను,” అని ఆమె తన వ్యక్తిగత తత్వాన్ని పంచుకున్నారు.
ప్రేమ, పెళ్లి వంటి వ్యక్తిగత విషయాలపై నిత్యా తనదైన శైలిలో స్పందించారు. తల్లిదండ్రులు, సమాజం నుంచి వచ్చిన ఒత్తిడి కారణంగా ఒకప్పుడు తనకు కూడా భాగస్వామి అవసరమని అనిపించిందని, కానీ ఇప్పుడు తన జీవితంలో ప్రేమకు పెద్దగా ప్రాధాన్యత లేదని ఆమె పేర్కొన్నారు. “ప్రేమించిన వారినే పెళ్లి చేసుకోవడం అందరికీ సాధ్యం కాదు కదా. పెళ్లి జీవితం మొత్తాన్ని కవర్ చేసేది కాదు, అది కేవలం ఒక భాగం మాత్రమే. జరిగినా, జరగకపోయినా పెద్దగా మార్పేమీ ఉండదు. ఒంటరిగా ఉన్నప్పటికీ నాకు స్వేచ్ఛతో జీవించగలగడం ఆనందాన్నిస్తోంది,” అని నిత్యా భావోద్వేగంగా వెల్లడించారు.
సినిమాలు ఎంచుకునే విషయంలో నిత్యాకు పూర్తి కథను వినడం, చదవడం అలవాటు. “ఒక సినిమా చేయాలనుకుంటే మొత్తం స్క్రిప్ట్ తెలుసుకోవాల్సిందే. నా పాత్రతోపాటు మిగతా పాత్రలు, కథా నిర్మాణం, దర్శకనిర్మాతల ప్రణాళికలు అన్నింటినీ బట్టి నేను నిర్ణయం తీసుకుంటాను. అప్పుడే నేను ఆ సినిమాకు పూర్తిగా భాగమైపోతాను,” అంటూ తన ఎంపిక వెనుక ఉన్న తార్కికతను వివరించారు.
దాదాపు రెండు దశాబ్దాల సినీ ప్రయాణంలో, ‘కాంచన’ వంటి హారర్ థ్రిల్లర్ల నుండి ‘తలైవాన్ తలైవి’ వంటి ఫ్యామిలీ డ్రామాల వరకు వివిధ జానర్లలో నటించి తనను తాను నిరూపించుకున్నారు. తనకు నచ్చిన పాత్రలను ఎంచుకుంటూనే, “నాకు నటిగా అన్ని జానర్స్లో పనిచేయాలని ఉంది. సంతోషంగా పనిచేయడం, సరైన వ్యక్తులతో కలిసి పనిచేయడం మాత్రమే నా లక్ష్యం,” అని నిత్యా స్పష్టంగా చెప్పారు.
Foot Health: ఇటీవల కాలంలో చాలామంది వారి ఆరోగ్యం పై పూర్తిస్థాయిలో దృష్టి సారిస్తూ ప్రతి చిన్న విషయాన్ని పరిగణలోకి…
Sankatahara chaturthi: మన హిందూ సాంప్రదాయాల ప్రకారం సంకటహర చతుర్దశికి ఎంతో ప్రాధాన్యత ఉంది. పౌర్ణమి తర్వాత మూడు రోజులకు…
Night Sleep: ఇటీవల కాలంలో ఉరుకుల పరుగుల జీవితంలో రాత్రి పగలు అనే తేడా లేకుండా ప్రతి ఒక్కరూ ఎంతో…
Tirumala Brahmotsavam: కలియుగ దైవం అయినటువంటి శ్రీ వెంకటేశ్వర స్వామి కొలువై ఉన్నటువంటి తిరుమల తిరుపతి ఆలయంలో నిత్యం ఉత్సవాలు…
Mushrooms: పుట్టగొడుగులు అంటే ఇష్టపడని వారు ఎవరుంటారు చెప్పండి ఎన్నో పోషకాలు కలిగిన ఈ పుట్టగొడుగులను తినడానికి చాలామంది ఇష్టపడుతుంటారు.…
Black Thread Significance: ఇటీవల కాలంలో చాలామంది చిన్నపిల్లల నుంచి మొదలుకొని పెద్దవారి వరకు కూడా తమ చేతికి లేదా…
This website uses cookies.