Water Bottle: సాధారణంగా మనం బయటకు వెళ్ళినప్పుడు తప్పనిసరిగా వాటర్ బాటిల్ కొనుగోలు చేస్తుంటాము. అది ఎండాకాలమైనా లేదా వర్షాకాలమైనా బయటకు వెళ్ళినప్పుడు తప్పనిసరిగా వాటర్ బాటిల్ కొంటూ ఉంటారు. అయితే చాలామంది ఈ వాటర్ బాటిల్ కొనుగోలు చేసే సమయంలో ఆ బాటిల్ కూల్ గా ఉందా లేదా అనేది మాత్రమే చెక్ చేస్తారు తప్ప మిగిలిన విషయాలను గమనించకుండా ఆ నీటిని తాగుతూ ఉంటారు. అయితే ఇలా వాటర్ బాటిల్ కొనుగోలు చేసే ముందు ఈ కొన్ని విషయాలను గమనించకుండా ఆ నీళ్లను కొనుగోలు చేసే తాగితే మన ఆరోగ్యానికే ప్రమాదం అని నిపుణులు హెచ్చరిస్తున్నారు.

వాటర్ బాటిల్ కొనుగోలు చేసినప్పుడు కచ్చితంగా ఈ విషయాలను గుర్తించుకోవాలని ఆరోగ్య నిపుణులు చెబుతున్నారు. ముందుగా వాటర్ బాటిల్ కొనుగోలు చేసినప్పుడు ఆ బాటిల్ క్యాప్ ఎలా ఉంది అనేది గమనించాలి కచ్చితంగా సీల్ వేసి ఉందా లేకపోతే క్యాప్ లూస్ గా ఉందా అనేది గమనించాలి. అదేవిధంగా మనం కొనుగోలు చేసిన వాటర్ బాటిల్లో నీరు ఏ విధంగా ఉన్నాయి. అందులో దుమ్ము ధూళి కణాలు ఉన్నాయా అనే విషయాలని కూడా గుర్తించాలి. ఇక ప్రస్తుతం మార్కెట్లో ఎన్నో రకాల కంపెనీలకు సంబంధించిన వాటర్ బాటిల్స్ మనకు అందుబాటులోకి ఉన్నాయి.

Water Bottle: వాటర్ బాటిల్ పై ISI గుర్తు అలాగేFSSAI లైసెన్స్ నెంబర్ ..

ప్రసిద్ధ కంపెనీ పేర్లతో మార్కెట్లో ఎన్నో నకిలీ వాటర్ బాటిల్స్ విక్రయిస్తున్నారు అలాంటివి కొనేటప్పుడు ఆ కంపెనీకి సంబంధించిన స్పెల్లింగ్ లోగో వంటి వాటిని కూడా జాగ్రత్తగా గమనించాలి. అలాగే వాటర్ బాటిల్ పై ఎక్స్పైరీ డేట్ చూసి కూడా బాటిల్ కొనుగోలు చేయటం మంచిది. మనదేశంలో ప్యాకెడ్ డ్రింకింగ్ వాటర్ పై ఖచ్చితంగా ISI గుర్తు అలాగేFSSAI లైసెన్స్ నెంబర్ ఉన్నప్పుడే ఆ వాటర్ బాటిల్ ను మనం కొనుగోలు చేయాలి. ఇలా ఈ విషయాలన్నింటినీ గమనించి మనం వాటర్ బాటిల్ కొనుగోలు చేయటం మంచిది. కొన్న వాటర్ బాటిల్ లోని నీళ్లను వెంటనే తాగటం మంచిది అలా కాదని వాటిని ఎక్కువసేపు అలాగే ఉంచి తాగడం మంచిది కాదు. ఇక తాగిన తర్వాత వాటర్ బాటిల్ క్యాప్ బిగుతుగా వేయటం వల్ల నీరు ఎలాంటి కలుషితం కాకుండా ఉంటాయి.