Devotional Tips: అమ్మవారికి సమర్పించిన వస్త్రాలను కట్టుకోవచ్చా… ఎలాంటి నియమాలను పాటించాలో తెలుసా?

Devotional Tips:  సాధారణంగా మన హిందూ సంప్రదాయాలు ప్రకారం మనం దేవుడికి చీరలు పట్టు వస్త్రాలు సమర్పించడం చూస్తుంటాము. ఇలా అమ్మవారికి సమర్పించిన చీరలను ఒకానొక సమయంలో దేవస్థానం వేలం వేస్తారు. ఈ వేలం పాటలో చాలామంది మహిళలు ఆ చీరలను కొనుగోలు చేస్తారు. ఈ విధంగా కొనుగోలు చేసిన చీరలను తరచూ మహిళలు కట్టుకోవచ్చా? లేదా కట్టుకున్నప్పుడు ఎలాంటి నియమాలను పాటించాలి ? అనే సందేహాలు చాలామందికి వస్తుంటాయి. మరి ఈ చీరలను కట్టుకొని ఎలాంటి నియమాలను పాటించాలి అనే విషయానికి వస్తే…

అమ్మవారికి సమర్పించిన చీరలను వేలం పాటలో కొనుగోలు చేసిన తర్వాత మహిళలు ఆ చీరలను కట్టుకోవచ్చు. అయితే తరచూ ఆ చీరలను మాత్రం కట్టుకోకూడదు ఏదైనా పూజ చేసే సమయంలోను లేకపోతే గుడికి వెళ్లే సమయంలో మాత్రమే ఆ చీరలను కట్టుకోవాలి. అదేవిధంగా ఆ పూజ కార్యక్రమాలు పూర్తి అయిన తర్వాత వెంటనే వాటిని తీసి మరొక చీరను కట్టుకోవాలి కానీ అదే చీరలోనే ఉండకూడదు. ఇకపోతే చాలా మంది ఆ చీరను కట్టుకొని పడకగదికి కూడా వెళుతుంటారు.

Devotional Tips:

ఈ విధంగా పడకగదికి అమ్మవారి వస్త్రాలను కట్టుకొని ఎప్పుడు వెళ్లకూడదని పండితులు చెబుతున్నారు. అమ్మవారి నుంచి వేలంపాటలో కొనుగోలు చేసినటువంటి వస్త్రాలను కేవలం పూజా సమయంలో మాత్రమే ధరించడం ఎంతో శుభకరం. అంతేకానీ మనం నిత్య పనులు చేస్తున్న సమయంలో ఈ చీరలను కట్టుకోవడం మంచిది కాదని పండితులు చెబుతున్నారు. పడకగదికి వెళ్లే ముందు చీరను తప్పనిసరిగా మార్చుకొని వెళ్లాల్సి ఉంటుంది. అలాగే దేవుడు వద్ద తీసుకున్నటువంటి పుష్పాలను కూడా పెట్టుకుని పడకగదికి ఎప్పుడు వెళ్ళకూడదనీ పండితులు చెబుతున్నారు.