Heart stroke: ఇటీవల కాలంలో గుండెపోటు మరణాలు అధికమవుతున్న సంగతి తెలిసిందే. గుండె జబ్బులతో బాధపడే వారి సంఖ్య కూడా అధికమవుతుంది. ఇలా గుండెపోటు రావడానికి ప్రధాన కారణం మన అలవాట్లేనని నిపుణులు చెబుతున్నారు. మన ఆహార శైలి జీవన ప్రమాణాలు గుండె పట్ల తీవ్రమైన ప్రభావాన్ని చూపుతాయి. మన గుండె పదికాలాలపాటు పదిలంగా ఉండాలి అంటే మన జీవనశైలిని పూర్తిగా మార్చుకోవాల్సి ఉంటుంది. ముఖ్యంగా నిద్ర లేవగానే ఈ అలవాట్లు కనుక మీలో ఉన్నట్లయితే కచ్చితంగా గుండెపోటు వచ్చే ప్రమాదం ఉందని నిపుణులు చెబుతున్నారు. మరి ఆ అలవాట్లు ఏంటి అనే విషయానికి వస్తే..

చాలామంది ఉదయం నిద్ర లేవగానే మంచం పైనుంచి టక్కున దిగి వారి పనులలో నిమగ్నం అవుతారు. ఇలా చేయడం వల్ల గుండెపై తీవ్రమైన ఒత్తిడి కలుగుతుంది. తద్వారా గుండెపోటు వచ్చే అవకాశాలు ఉంటాయి. అందుకే ఉదయం నిద్ర లేచిన తర్వాత కాసేపు అలాగే కూర్చుని కాళ్లు చేతులను ఒత్తుకోవడం వల్ల రక్తప్రసరణ సక్రమంగా జరిగి ఏ విధమైనటువంటి సమస్య ఉండదు. ఇక చాలామందికి నిద్ర లేవగానే వేడివేడి కాఫీ తాగే అలవాటు ఉంటుంది. ఇలా చేయటం వల్ల కాఫీలో ఉండే కెఫిన్ గుండెపోటుకు కారణమవుతుంది.

Heart stroke: శారీరక వ్యాయామం ఎంతో ముఖ్యం..

ఇటీవల కాలంలో చాలామంది డైటింగ్ పేరుతో ఉదయం టిఫిన్ చేయడం పూర్తిగా పక్కన పెట్టేస్తున్నారు. ఇలా చేయడం వల్ల జీవక్రియ మందగించి అధిక శరీర బరువు పెరగడమే కాకుండా చెడు కొలెస్ట్రాల్ పేరుకుపోయి గుండె పోటుకు కారణం అవుతుంది. ఒకవేళ డైటింగ్ ఉన్నవారు కోడిగుడ్లు, ఓట్స్, బాదం వంటి వాటిని తీసుకోవటం మంచిది. ఇక చాలామంది నిద్ర లేవడంతోనే తీవ్రమైన ఒత్తిడి కోపంతో నిద్ర లేస్తుంటారు. ఇలా చేయటం వల్ల మన శరీరంలో విడుదలయ్యే హార్మోన్ల కారణంగా గుండెపోటు రావడానికి కారణమవుతుంది. అందుకే ప్రశాంతంగా ఉండటానికి ప్రయత్నం చేయాలి . ఇక ఇటీవల ఉరుకులు పరుగుల జీవితంలో శారీరక వ్యాయామానికి దూరమవుతున్నారు. మన శరీరంలో కదలికలు లేకపోతే రక్తప్రసరణలో మార్పులు చోటుచేసుకుని గుండెపోటుకు కారణం అవుతుంది అందుకే ఉదయం లేవగానే కొంతసేపు వ్యాయామం చేయటం వల్ల ఈ సమస్య నుంచి బయటపడవచ్చు.