Kiara-Siddarth Wedding : బాలీవుడ్ బోల్డ్ బ్యూటీ కియారా అద్వానీ, హ్యాండ్సమ్ హీరో సిద్ధార్థ్ మల్హోత్రా ఎట్టకేలకు వివాహ బంధంతో ఒక్కటయ్యారు. రాజస్థాన్లోని జైసల్మేర్లో వీరి వివాహం అత్యంత ప్రైవేట్ గా జరిగింది. కొన్నేళ్లుగా ఈ జంట రిలేషన్షిప్లో ఉన్నట్లు ముంబై మీడియాలో, సోషల్ మీడియాలో ఓ రేంజ్లో గాసిప్స్ వచ్చేవి. ఈ జంట ఎక్కడ కనిపించినా ఫోటోగ్రాఫర్లు వారి కెమెరాలకు పనిచెప్పేవారు. వారి రిలేషన్షిప్ గురించి అడిగేవారు. కానీ ఈ జంట ఎప్పుడూ తమ రిలేష్ గురించి ఎక్కడా కూడా మాట మాట్లాడలేదు. గత వారం రోజులుగా త్వరలో ఈ జంట పెళ్లి చేసుకోబోతోందని వార్తలు వచ్చాయి. అయితే కొంతమంది అవన్నీ గాసిప్స్ అని కొట్టిపడేశారు. కానీ తాజా పెళ్లి కూడా అత్యంత సీక్రెట్ గా కొద్దిమంది బంధువులు, స్నేహితుల నడుమ చేసుకున్నారు ఈ లవ్ బర్డ్స్.
ఈ జంట కలిసి నటించిన మొదటి చిత్రం షేర్షా. 2021లో రిలీజ్ అయిన ఈ మూవీకి మంచి రెస్పాన్స్ వచ్చింది. కరోనా మూమెంట్లో రిలీజ్ అయిన ఈ చిత్రానికి విమర్శకులు సైతం ప్రశంసలు అందించారు. అయితే ఈ చిత్రంలో ఈ ఇద్దరి స్టార్ల కెమెస్ట్రీ ఎంతో బాగుందని అప్పట్లోనే అనేక కామెంట్లు వచ్చాయి. మూవీ చిత్రీకరణ సమయంలో వీరిద్దరూ చాలా సన్నిహితంగా ఉన్నారు. అప్పటి నుంచి వీరి రిలేషన్షిప్ కంటిన్యూ అవుతోంది. కానీ ఎప్పుడూ వీరి లవ్ విషయం ఎక్కడా రివీల్ చేయలేదు. పెళ్లి పీటలు ఎక్కేవరకు పక్కా ప్లాన్తోనే ఉంది ఈ జంట.
తాజాగా ఈ న్యూ కపుల్ తమ ఇన్స్టాగ్రామ్ పేజీలలో పెళ్లికి సంబంధించిన ఫోటోలను పోస్ట్ చేసి అభిమానులను ఖుషీ చేసింది. వివాహ సమయంలో దిగిన క్యాండిడ్ ఫోటోలను షేర్ తమ సంతోషాన్ని ఫ్యాన్స్తో ఫాలోవర్స్తో పంచుకున్నారు. తమ వివాహాన్ని అధికారికంగా ప్రకటించారు. కియారా, సిద్దార్ధ్ లు పెళ్లి వేడుకలకు సంబంధించిన నాలుగు ఫోటోలను షేర్ చేసి ఇక మాది పర్మనెంట్ బుకింగ్ అయిపోయిందని ఆ పిక్స్కు క్యాప్షన్ను జోడించారు. ఇక మా వైవాహిక ప్రయాణం సాఫీగా సాగేందుకు మీ ఆశీర్వాదాలు, ప్రేమ మా జంటకు కావాలని పేర్కొన్నారు.
పెళ్లి కోసం కియారా మనీష మల్హోత్రా డిజైన్ చేసిన అందమైన లెహెంగాను వేసుకుంటే సిద్దార్ధ్ షరారా సెట్ ను ధరిచాడు. ఈ వెడ్డింగ్ డ్రెస్ లో ఈ లవ్ బర్డ్స్ ఒకరిని ఒకరు ముద్దు పెట్టుకునే క్యూట్ మూమెంట్స్ అభిమానులను అమితంగా ఆకట్టుకున్నాయి.
గతంలో షేర్షా రిలీజ్ సందర్భంగా చేసిన ప్రమోషన్ లో కియారాను పెళ్లి గురించి అడిగిన ప్రశ్నకు ఆమె క్రేజీ సమాధానం చెప్పి అందరిని ఆకట్టుకుంది. ప్రేమ కోసం మాత్రమే పెళ్లి చేసుకుంటానని వెల్లడించింది. జీవితంలో పెళ్లికి నా కారణం అది ఎప్పుడు జరిగినా ప్రేమే అయ్యి ఉంటుందని పేర్కొంది. ఎందుకంటే మీ జర్నీలో ఎలాంటి సమస్యలు వచ్చినా, ప్రేమ అనేది ఎప్పుడూ బలమైన పునాదిగా ఉంటుందని అదే కాపాడుతుందని తెలిపింది. ఈ ఇంటర్వ్యూ వీడియో కూడా ఇప్పుడు నెట్టింట్లో వైరల్ అవుతోంది.
Eating An Apple: ప్రతిరోజు ఒక ఆపిల్ తీసుకోవడం వల్ల మనం డాక్టర్ దగ్గరికి కూడా వెళ్లాల్సిన పనిలేదని చెబుతూ…
Tirumala Hundi: కలియుగ దైవమైన తిరుమల వెంకటేశ్వర స్వామి ఆలయానికి నిత్యం భక్తులు లక్షలాది సంఖ్యలో పోటెత్తున్నారు. నిత్యం స్వామి…
Kidney Health: సాధారణంగా ఉదయం నిద్ర లేవగానే ప్రతి ఒక్కరూ వారికి ఉన్న అలవాట్లను ఫాలో అవుతూ వారి రోజున…
Lord Shiva:సాధారణంగా ప్రతి ఒక్కరు తమ జీవితంలో ఎన్నో రకాల కోరికలను కోరుతూ దేవుళ్లను ప్రార్థిస్తూ ఉంటారు.. తమ జీవితంలో…
Climbing Stairs: సాధారణంగా మనం అవలీలగా రెండు, మూడు అంతస్తులు మెట్లు ఎక్కగలం కానీ ఒక్కోసారి తక్కువ సంఖ్యలో మెట్లు…
Aja Ekadashi 2026: మన హిందూ సాంప్రదాయాల ప్రకారం శ్రావణ మాసానికి ఎంతో మంచి ప్రత్యేకత ఉంది. ఈ శ్రావణ…
This website uses cookies.