Health Tips: నిద్రపోయేటప్పుడు నోరు తెరిచి నిద్రపోతున్నారా… ఈ సమస్య ఉన్నట్టే?

Health Tips:సాధారణంగా కొందరు పడుకునేటప్పుడు ఒక్కొక్కరు ఒక్కో విధంగా నిద్రపోతూ ఉంటారు. అయితే చాలామంది పడుకున్న సమయంలో ముక్కు ద్వారా శ్వాస తీసుకోవడానికి ఇబ్బంది పడుతూ నోరు ద్వారా శ్వాస తీసుకుంటూ ఉంటారు. ఈ క్రమంలోనే పడుకునే సమయంలో నోరు తెరుచుకుని నిద్రపోతూ ఉంటారు. ఈ విధంగా పడుకునే సమయంలో నోరు తెరిచి నిద్రపోతున్నారు అంటే తప్పకుండా మీరు అనారోగ్య సమస్యతో బాధపడుతున్నట్లు అర్థం. నోరు తెరచి పడుకోవడం వల్ల ఎలాంటి అనారోగ్య సమస్యలు వస్తాయి ఏంటీ అనే విషయానికి వస్తే…

 

నోరు తెరిచి నిద్రపోతున్నారు అంటే మన శ్వాస వ్యవస్థలో లోపాలు ఉన్నాయని అర్థం. స్లీప్ అప్నియా వల్లే నోరు తెరిచి నిద్రపోతారని చెప్పలేము.మరికొందరు కొన్ని అనారోగ్యం కారణాల వల్ల కూడా నోరు తెరిచి నిద్రపోతుంటారు. సాధారణంగా తీవ్రమైన జలుబు, దగ్గు, సైనస్ , న్యుమోనియా సమస్యలతో బాధపడేవారు ఊపిరి తీసుకోవడంలో ఇబ్బంది కలుగుతుంది. కావున శరీరానికి తగినంత ఆక్సిజన్ లభించినప్పుడు నోటి ద్వారా ఆక్సిజన్ తీసుకోవడానికి వారికి తెలియకుండానే నిద్రలో ప్రయత్నం చేస్తుంటారు.

Health Tips

అదేవిధంగా ఉబ్బసం సమస్య ఉన్నవారు ఊపిరితిత్తుల అనారోగ్యం వల్ల తరచు శ్వాస ఆడకపోవడం వంటి సమస్యలు వస్తాయి. అందుకే ఈ సమస్య ఉన్నవారి శరీరం నోటి ద్వారా శ్వాస తీసుకోవడానికి ప్రయత్నం చేస్తుంటారు. తీవ్రమైన ఒత్తిడి, ఆందోళనతో బాధపడేవారు రాత్రిపూటే కాదు రోజంతా కూడా నోటి ద్వారే శ్వాస తీసుకునే అవకాశం ఉందని నిపుణులు చెబుతున్నారు.నిజానికి ఒక వ్యక్తి ఆందోళన చెందుతున్నప్పుడు అతను వేగంగా శ్వాస తీసుకుంటాడు.వీరిలో రక్తపోటు కూడా బాగా పెరుగుతుంది. కావున ముక్కుల ద్వారా తీసుకునే ఆక్సిజన్ సరిపోక నోటి ద్వారా తీసుకునే ప్రయత్నం చేస్తారు.నోటి ద్వారా శ్వాస తీసుకోవడానికి శ్వాస సంబంధిత అలెర్జీలు కారణమంటున్నారు నిపుణులు. ఇలా ఈ కారణాల వల్ల పడుకునేటప్పుడు నోరు తెరచి నిద్ర పోతుంటారు.