Bhagavanth Kesari : ‘ఎవడు బలవంతుడో వాడే గెలుస్తడు’..బాలయ్య ఊర మాస్ యాక్షన్

Bhagavanth Kesari : టాలీవుడ్ స్టార్.. మాస్ హీరో బాలకృష్ణ ఊర మాస్ లుక్‎తో అదరగొడుతున్నాడు. త్వరలో విడుదల కాబోతున్న తన మూవీ భగవత్ కేసరిలో పవర్ ఫుల్ డైలాగులతో ఫ్యాన్స్ కు పిచ్చెక్కించబోతున్నాడు. ఈ మూవీ నుంచి ఇప్పటికే విడుదలైన గణేష్ పాట ఓ రేంజ్‎లో అదరగొట్టింది. ఈ సాంగ్ లో బాలయ్య, శ్రీలీల ఊర మాస్ స్టెప్పులతో అందరినీ అమితంగా ఆకట్టుకున్నారు. ఇక బాలయ్య ఫ్యాన్స్ ఎప్పుడెప్పుడా అని ఆసక్తిగా ఎదురుచూస్తున్న భగవంత్ కేసరి ట్రైలర్ ఇవాళ విడుదల అయింది. ఈ ట్రైలర్ ప్రస్తుతం నెట్టింట్లో రచ్చ రచ్చ చేస్తోంది. బాలయ్య అదుర్స్ అంటూ ఫ్యాన్స్ కామెంట్ల వర్షం కురిపిస్తున్నారు.

యువ డైరెక్టర్ అనిల్ రావిపూడి దర్శకత్వంలో వవస్తున్న భగవత్ కేసరి సినిమాలో నందమూరి బాలకృష్ణ కథానాయకుడిగా నటించాడు. బ్రో.. ఐ డోంట్ కేర్ అంటూ ఈ మూవీకి మంచి ఇంగ్లీష్ క్యాప్షన్ ఇచ్చాడు అనిల్ రావిపూడి. ఈ సినిమాలో యంగ్ అండ్ ఎనర్జిటిక్ క్రేజీ హీరోయిన్ శ్రీ లీల కీలక పాత్రలో కనిపించబోతోంది. ఈ మూవీలో కాజల్ అగర్వాల్ ఫీమేల్ లీడ్ హీరోయిన్ గా నటిస్తోంది.ఇక బాలీవుడ్ యాక్టర్ అర్జున్ రాంపాల్ ప్రతినాయకుడిగా నటించాడు. ఈ క్రమంలో లేటెస్టుగా విడుదలైన ట్రైలర్ లో బాలయ్యను ఇంతకుముందెన్నడూ చూడని విధంగా డైరెక్టర్ అనిల్ చూపించాడు. ఈ ఇద్దరి ఇమేజ్ లకు భిన్నంగా కథ, కథనాలను ఉండబోతున్నాయి. దీంతో భగవంత్ కేసరి పై అంచనాలు భారీగా పెరిగాయి. వీరిద్దరి కాంబినేషన్ ఎలా ఉంటుందోనని అభిమానులు ఆసక్తిగా ఎదురుచూస్తున్నారు.

తెలంగాణ స్లాంగ్ లో మొదటిసారిగా బాలకృష్ణ డైలాగులు చెప్పి అదరగొట్టాడు. ఈ ట్రైలర్ తో దసరా రేసులో ఉన్న సినిమాలకు బాలయ్య ఓ రేంజ్ లో గట్టి పోటీ ఇవ్వబోతున్నట్లు తెలుస్తోంది. ఈ మూవీకి థమన్ సంగీతం అందించాడు. సినిమాటోగ్రఫీ సి రాం ప్రసాద్ అందించగా తమ్మిరాజు ఎడిటింగ్ చేశారు. ట్రైలర్‎తో బాలయ్య తన గ్రేస్ ను చూపించాడు. ట్రైలర్ చూసినంత సేపు అందరూ బాలయ్య ట్రాన్స్ లోకి వెళ్లిపోతారు అనడంలో ఎలాంటి సందేహం లేదు. ‘ఎవడు బలవంతుడో వాడే గెలుస్తడు అంటూ బాలయ్య చెప్పే డైలాగ్ గూస్ బంప్స్ తెప్పిస్తాయి. ఈ ట్రైలర్ కి తమన్ బీజీఎం తోడవడంతో ఇరగదీస్తోంది. శ్రీలీల ఇప్పటి వరకు నటించిన సినిమాలతో పోల్చితే భవత్ కేసరిలో తన పర్ఫార్మెన్స్ అదుర్స్ అనిపించబోతోంది. ఇక కాస్త గ్యాప్ తర్వాత సెకెండ్ ఇన్నింగ్స్ మొదలు పెట్టిన కాజల్ అగర్వాల్ ఈ మూవీలో ఓ రేంజ్ గ్లామర్ షో చేస్తున్నట్లు తెలుస్తుంది.